Buxorolik minglab muxlislar orziqib kutgan damlar etib keldi. Yana sanoqli soatlardan so'ng "Buxoro" 2017 yilgi ilk rasmiy uchrashuvini o'tkazadi. Oliy liga doirasida 1-turni minglab muxlislari qarshisida o'tkazadigan "Buxoro" jamoasi o'z oldiga OChLga chiqish vazifasini qo'ygan "Olmaliq" jamoasiga qarshi o'tkazadi.  Ushbu jamoalar oliy liga musobaqalarida o'zaro jami 16 bor to'qnash kelishgan. Kichik ustunlik bugungi mehmonlar tomonida. O'tkazilgan uchrashuvlarning 6 tasida "Buxoro" g'alaba qozongan bo'lsa, 8tasida "Olmaliq" zafar quchgan. To'plar nisbati 17-29 mehmonlar foydasiga. "Buxoro" va "Olmaliq" atigi 2 bor murosa ko'chasini tanlashgan. "Buxoro"ning "Olmaliq" ustidan qozonilgan eng yirik g'alabasi 3:1 va 2:0 bo'lib turibdi. "Olmaliq"da ushbu ko'rsatgich 6:1 va 5:0 bo'lib turibdi. O'zaro uchrashuvlarda "Buxoro" 20 ochkoni, "Olmaliq" esa 29 ochkoni o'z hisobiga yozib qo'ygan. O'tgan mavsumda "Buxoro" har ikkala uchrashuvda ham "Olmaliq"ni mag'lub etgan. Buxoroda 2:0, Olmaliqda esa 1:0 hisobida buxoroliklar g'alaba qozonishgan.
— deya xabar beradi uff.uz nashri.