"Inter" hujumchisi Mauro Ikardi 2008 yildan 2011 yilga qadar "Barselona" safida bo'lganini yodga oldi.
"Avvaliga futbol men uchun xobbi darajasida edi. Ammo keyin men "Barselona"ga o'tdim va ish boshlanib ketdi. Jamoa haqida juda iliq taassurotlar qolgan. U erda ko'p do'stlarim bor. Bu esa A seriyada yaxshi o'ynab ketishimga sabab bo'ldi.
"Barselona"dan ketishimga agentlarim sababchi bo'lishdi. Ular "Barselona"ning o'yin uslubi menga to'g'ri kelmasligini aytishdi. Italiya futbolida esa hammasi boshqacha. Endi mening kelajagim "Inter" bilan bog'liq. Bu erda umrbod qolishni istayman.
Messi bilan birga to'p surishni istaymanmi? Ha, bu mening orzuim. U dunyoning eng kuchli futbolchisi va u bilan bir jamoada o'ynash men uchun sharaf bo'lar edi. Ronaldu esa men uchun xuddi o'zga sayyoralikdek gap. Axir men argentinalikman va Messini eng yaxshi futbolchi deb bilaman", - deydi Ikardi.
— deya xabar beradi uff.uz nashri.