"Avvalo "Navbahor"ni g'alaba bilan tabriklab o'taman. Namangan xalqini kelayotgan Navro'z bayrami bilan ham chin qalbdan qutlayman. O'yin boshida tezkor gol o'tkazib yubordik. Chempionatning boshida o'ynash doim og'ir bo'lgan. 3-4ta o'yindan keyin barchasi o'z iziga tushib ketadi albatta. Rauf Inileev oyog'ini operatsiya qildirgani uchun hozir tiklanish jarayonini boshdan kechirmoqda. Shu bois Namanganga kela olmadi. Uning yo'qligi albatta jamoaga ta'sir qildi. Shaxsiy fikrim, bugun maydon bizning jamoa uchun og'ir bo'ldi, qandaydir og'ir o'ynadik. Futbolchilarning qanday yugurishi va imkoniyatlarini yaxshi bilaman, ammo negadir bugun ularga maydon bosimi qattiq ta'sir qildi. Shohruz Norxonovning jarohati jiddiy emas, u keyingi o'yinlarda albatta maydonga tushadi", - deydi Farhod Safarov.
— deya xabar beradi uff.uz nashri.