Ispaniya chempionatining 26-turidan o'rin olgan "Eybar" hamda "Real" Madrid klublari o'rtasidagi uchrashuv nihoyasiga etda. Unda 1:4 hisobi qayd etilib, madridliklarning g'alabasi bilan yakunlandi. Uchrashuvning 14-daqiqasida Karim Benzema mehmonlarni oldinga olib chiqqan bo'lsa, 25-daqiqada uning o'zi dubl qayd etdi. Oradan to'rt daqiqa o'tib Xames Rodriges hisobni 0:3 ko'rinishiga keltirdi va «Real» tanaffusga yirik hisobdagi g'alaba bilan chiqib ketdi. Uchrashuvning 60-daqiqasida Marko Asensio madridliklarning to'rtinchi goliga mualliflik qildi. 72-daqiqada mezbonlar hujumchisi Ruben Penyaning goli amalda hech narsani hal qilmadi. Shu tariqa "Real" uch ochkoga ega bo'ldi jadvalda 1-o'rinni yanayam mustahkamladi.
Ispaniya chempionati, 26-tur
Eybar – Real Madrid 1:4 (0:3, 1:1)
Gollar: 0:1 – 14 Benzema, 0:2 – 25 Benzema, 0:3 – 29 Xames, 0:4 – 60 Asensio, 1:4 – 72 Penya.
Eybar – Yoel, Ramis, Luna (Arbilya, 55), Kapa, dos Santos, Eskalante, Dani Garsiya, Gonsales (Rivera, 63), Leon (Inui, 87), Penya, Enrik.
Real Madrid – Navas, Pepe, Nacho, Danilo, Ramos, Modrich (Kovachich, 71), Kazemiro, Asensio, Xames (Isko, 75), Vaskes, Benzema (Dias, 65).
Ogohlantirishlar: Eskalante (32), Nacho (62), Kazemiro (65).
— deya xabar beradi uff.uz nashri.