Oliy Liga 1-turidan o'rin olgan “Bunyodkor” – “So'g'diyona” (1:0) uchrashuvidan keyingi matbuot anjumanining birinchi qismida jizzaxliklar ustozi qatnashdi. - Avvalo, barchangizni yangi futbol mavsumi bilan tabriklayman. O'yin davomida “Bunyodkor”ni kichik ustunligi sezilib turgandi. Ular hujumlar uyushtirishdi, biroq yakuniy zarba berishga imkon bermay o'ynayotgandik. Biroq bitta vaziyatdan raqib foydalanib ketdi. “Bunyodkor” – “Al-Ayn” bahsini butun jamoa bo'lib stadionda kuzatgandik va o'zimizga kerakli xulosalarni chiqarib olgandik. Afsuski, oxirida omadimiz chopmadi. “So'g'diyona”ni bosh murabbiy sifatida beshinchi mavsum oliy ligada boshlab tushayapman. Afsuski, startda omadli o'ynay olmayotganimiz yaxshi bo'lmayapti. Bugun birinchi bo'limdagi asosiy vazifa kamroq xato qilish va “Bunyodkor”ning qanot futbolchilariga imkon bermaslik. Dastlabki 45daqiqalikda barchasini to'g'ri bajardik. Biroq ikkinchi bo'limdagi bitta imkoniyatdan raqib foydalanib ketdi, - deydi Davron Orifovich.
— deya xabar beradi uff.uz nashri.