Tavsiya qilamiz:
UzBARCA.COM - FC Barcelona Muxlislar sayti !!!
" Real madrid " muxlislari sayti !!!
"FUTBOL TV " Yangiliklar !!
" Real madrid " muxlislari sayti !!!
"FUTBOL TV " Yangiliklar !!
Kimga nima etishmagandi? (InterFUTBOL blogi)
O'tgan hafta Osiyo futbolidagi eng shov-shuvli xabarlardan biri tarqaldi: Tojikistonning «Istiqlol» klubi OFK kubogi finaliga chiqdi. To'g'ri, mazkur natija Quvaytning ikki klubi chetlatilgani hisobiga qo'lga kiritildi. Lekin muhimi - «Istiqlol» finalda! O'z navbatida, hal qiluvchi bahsning Dushanbe shahrida o'tkazilishini ham inobatga olsak, bu voqea yon qo'shnilarimiz uchun qanday ahamiyat kasb etishini tasavvur qilish qiyin emas. Chunki o'zimiz hali Qarshi-2012dan qolgan yorqin xotiralarni unutmaganmiz. Tojikiston poytaxtida ham xuddi shunday bayram bo'lishiga shubha yo'q. O'z navbatida, «Istiqlol»ga ham «Nasaf»ning yo'lini tilaymiz: finalda Malayziyaning «Johor Dorul Ta'zim» klubini mag'lub etishi va OFK kubogi g'olibligini qo'lga kiritishiga tilakdoshmiz. Zero, yon qo'shnilarimizning muvaffaqiyati bizni ham xursand qiladi. «Nasaf» esa...
Keling, suhbatimizni OChLda ishtirok etishi kutilayotgan klublarimiz mavzusi bilan davom ettirsak.
O'ZBEK KLUBLARI
«Nasaf» uchun OFK kubogi endi tarixga aylangan. O'zbek klublarining darajasi ko'tarilib, endilikda asosan, Osiyo Chempionlar Ligasi haqida gapirishga ko'nikkanmiz. Ammo afsuski, OChLda xuddi bir vaqtlari OFK kubogida bo'lganidek o'zimizga ishonch etishmayapti. Boisi, o'zbek klublarining Chempionlar Ligasidagi muvaffaqiyatlari olis xotiraga aylangan. Bir vaqtlari «Paxtakor» ketma-ket musobaqa yarim finaliga qadar etib kelgani, «Bunyodkor»ning yapon va koreys klublari kushandasiga aylanganini chuqur xo'rsinish bilan yodga olamiz.
O'tgan yilgi Chempionlar Ligasi biz uchun katta hodisaga aylanishi mumkin edi. Chunki unda ilk marta O'zbekistondan to'rtta klub ishtirok etgandi. Ammo yakunda birorta jamoamiz guruhdan chiqolmadi, OChL biz uchun mag'lubiyatlar bilan bog'liq ortiqcha dahmazaga aylandi, xolos. Kelasi mavsum ahvol qanday bo'lishini oldindan aytish qiyin. Chempionlar Ligasida yana o'sha «Paxtakor», «Lokomotiv», «Nasaf» va... «Bunyodkor» ishtirok etsa kerak. Yo'qsa, «qaldirg'ochlar»ning o'rnini «Neftchi» egallar, ammo bu fakt ham vaziyatni o'zgartirishga kamlik qiladi.
Xo'sh, o'zbek klublari nima sababdan xalqaro musobaqalarda omadli ishtirok etolmayaptilar? Keling, hozir shu savolga javob topishga urinib ko'rsak. Bu borada har bir klubga individual yondashishga to'g'ri keladi. Shu bilan birga, umumiy muammolarga ham to'xtalishimiz turgan gap.
«PAXTAKOR»
Aslida «paxtakorchilar» o'tgan mavsum guruhdan chiqishga eng asosiy nomzodlardan edilar. Qaysidir tomonlama «sherlar» faqat tasodif tufayli guruhda qolib ketishgan, deyish ham mumkin. Chunki so'nggi turda keyingi bosqich umidini batamom yo'qotishga ulgurgan «Al-Shabab»ni o'z maydonida enggan taqdirda, Samvel Babayan shogirdlari OChLdagi ishtirokni davom ettirardilar. Ammo hamma gap shundaki, futbolda tasodiflar bo'lmaydi, faqat eng munosiblargina g'alabaga erishadilar. «Sherlar» bu ishni uddalay olishmabdimi, demak nimchorak finalda o'ynashga munosib emas ekanlar.
Aslida, «Paxtakor» o'sha vaqtda o'zbek klublari ichida eng barqarori bo'lib turgandi. Klub tarkib borasida «Lokomotiv» va «Nasaf» singari legionerlarga tayanmagan, «Bun-yodkor»da ro'y bergan murabbiy qo'nimsizligi muammosidan xoli edi. Tarkib bir necha yillardan buyon shakllanib kelayotgan, Samvel Babayan esa qo'l ostidagi deyarli har bir futbolchining kamolotga erishishiga guvoh bo'lgandi. Ammo baribir, klub o'z oldiga qo'yilgan vazifani bajara olmadi. Agar o'tgan yilgi «Paxtakor» ijobiy natijaga erisha olmagan ekan, yangi mavsumda muvaffaqiyatdan umid qilish mumkinmikan? Zero, hozir klubning ishlari u qadar yaxshi emas.
«Paxtakor» OChLdagi omadsizlikni kelasi mavsumda takrorlashni istamasa, eng avvalo, bosh murabbiy masalasini hal qilishi lozim. Aks holda, shuncha yildan buyon shakllantirilayotgan «Paxtakor» qit'adagi nufuzini batamom yo'qotishi hech gap emas.
«LOKOMOTIV»
«Temiryo'lchilar»da yangi mavsum oldidan bajarilishi lozim bo'lgan ishlar bisyor. Klubni shakllantirish uchun sarflangan shuncha vaqt ichida uning muammolari kamaymadi, aksincha, ko'paydi. Vadim Abramovning iste'foga chiqarilishi esa jamoadagi beqarorlikni yanada kuchaytirishi aniq. Hozirgi «Lokomotiv» manzili tayinsiz yo'lga tushib qolgan lokomotivni eslatadi. Eng yomoni, endi uning boshqaruvchisi - «mashinisti» ham yo'q.
Klub barqarorlikni ta'minlash uchun eng avvalo, kuchli murabbiyga ehtiyoj sezishi aniq. Vadim Abramov har qancha urinmasin, bu ishni uddalay olmadi. Uning o'rnini egallaydigan mutaxassis esa yurtimizda ko'p emas - Mirjalol Qosimov va balki Rauf Inileev. Nima bo'lgan taqdirda ham, «temiryo'lchilar» tezroq bir qarorga kelishlari lozim. Chunki yangi bosh murabbiy qisqa muddatli mavsumoldi tayyorgarlik jarayonida o'z qarashlariga mos tushadigan tarkibni shakllantirishga ulgurishi kerak. Bu esa unchalik oson ish emas. Masalan, «MYu» aynan shu maqsad yo'lida mana, uchinchi yildirki, ish olib bormoqda. Bu vaqt oralig'ida sarflangan pullarni esa aytmasak ham bo'laveradi, «Lokomotiv»da baribir, buncha pul yo'q.
Vaqt esa tobora kam qolmoqda. Ko'ramiz, «Loko» yangi mavsumda qanday karomat ko'rsatar ekan?..
Davomi InterFUTBOL gazetasi blogida.
— deya xabar beradi uff.uz nashri.
Keling, suhbatimizni OChLda ishtirok etishi kutilayotgan klublarimiz mavzusi bilan davom ettirsak.
O'ZBEK KLUBLARI
«Nasaf» uchun OFK kubogi endi tarixga aylangan. O'zbek klublarining darajasi ko'tarilib, endilikda asosan, Osiyo Chempionlar Ligasi haqida gapirishga ko'nikkanmiz. Ammo afsuski, OChLda xuddi bir vaqtlari OFK kubogida bo'lganidek o'zimizga ishonch etishmayapti. Boisi, o'zbek klublarining Chempionlar Ligasidagi muvaffaqiyatlari olis xotiraga aylangan. Bir vaqtlari «Paxtakor» ketma-ket musobaqa yarim finaliga qadar etib kelgani, «Bunyodkor»ning yapon va koreys klublari kushandasiga aylanganini chuqur xo'rsinish bilan yodga olamiz.
O'tgan yilgi Chempionlar Ligasi biz uchun katta hodisaga aylanishi mumkin edi. Chunki unda ilk marta O'zbekistondan to'rtta klub ishtirok etgandi. Ammo yakunda birorta jamoamiz guruhdan chiqolmadi, OChL biz uchun mag'lubiyatlar bilan bog'liq ortiqcha dahmazaga aylandi, xolos. Kelasi mavsum ahvol qanday bo'lishini oldindan aytish qiyin. Chempionlar Ligasida yana o'sha «Paxtakor», «Lokomotiv», «Nasaf» va... «Bunyodkor» ishtirok etsa kerak. Yo'qsa, «qaldirg'ochlar»ning o'rnini «Neftchi» egallar, ammo bu fakt ham vaziyatni o'zgartirishga kamlik qiladi.
Xo'sh, o'zbek klublari nima sababdan xalqaro musobaqalarda omadli ishtirok etolmayaptilar? Keling, hozir shu savolga javob topishga urinib ko'rsak. Bu borada har bir klubga individual yondashishga to'g'ri keladi. Shu bilan birga, umumiy muammolarga ham to'xtalishimiz turgan gap.
«PAXTAKOR»
Aslida «paxtakorchilar» o'tgan mavsum guruhdan chiqishga eng asosiy nomzodlardan edilar. Qaysidir tomonlama «sherlar» faqat tasodif tufayli guruhda qolib ketishgan, deyish ham mumkin. Chunki so'nggi turda keyingi bosqich umidini batamom yo'qotishga ulgurgan «Al-Shabab»ni o'z maydonida enggan taqdirda, Samvel Babayan shogirdlari OChLdagi ishtirokni davom ettirardilar. Ammo hamma gap shundaki, futbolda tasodiflar bo'lmaydi, faqat eng munosiblargina g'alabaga erishadilar. «Sherlar» bu ishni uddalay olishmabdimi, demak nimchorak finalda o'ynashga munosib emas ekanlar.
Aslida, «Paxtakor» o'sha vaqtda o'zbek klublari ichida eng barqarori bo'lib turgandi. Klub tarkib borasida «Lokomotiv» va «Nasaf» singari legionerlarga tayanmagan, «Bun-yodkor»da ro'y bergan murabbiy qo'nimsizligi muammosidan xoli edi. Tarkib bir necha yillardan buyon shakllanib kelayotgan, Samvel Babayan esa qo'l ostidagi deyarli har bir futbolchining kamolotga erishishiga guvoh bo'lgandi. Ammo baribir, klub o'z oldiga qo'yilgan vazifani bajara olmadi. Agar o'tgan yilgi «Paxtakor» ijobiy natijaga erisha olmagan ekan, yangi mavsumda muvaffaqiyatdan umid qilish mumkinmikan? Zero, hozir klubning ishlari u qadar yaxshi emas.
«Paxtakor» OChLdagi omadsizlikni kelasi mavsumda takrorlashni istamasa, eng avvalo, bosh murabbiy masalasini hal qilishi lozim. Aks holda, shuncha yildan buyon shakllantirilayotgan «Paxtakor» qit'adagi nufuzini batamom yo'qotishi hech gap emas.
«LOKOMOTIV»
«Temiryo'lchilar»da yangi mavsum oldidan bajarilishi lozim bo'lgan ishlar bisyor. Klubni shakllantirish uchun sarflangan shuncha vaqt ichida uning muammolari kamaymadi, aksincha, ko'paydi. Vadim Abramovning iste'foga chiqarilishi esa jamoadagi beqarorlikni yanada kuchaytirishi aniq. Hozirgi «Lokomotiv» manzili tayinsiz yo'lga tushib qolgan lokomotivni eslatadi. Eng yomoni, endi uning boshqaruvchisi - «mashinisti» ham yo'q.
Klub barqarorlikni ta'minlash uchun eng avvalo, kuchli murabbiyga ehtiyoj sezishi aniq. Vadim Abramov har qancha urinmasin, bu ishni uddalay olmadi. Uning o'rnini egallaydigan mutaxassis esa yurtimizda ko'p emas - Mirjalol Qosimov va balki Rauf Inileev. Nima bo'lgan taqdirda ham, «temiryo'lchilar» tezroq bir qarorga kelishlari lozim. Chunki yangi bosh murabbiy qisqa muddatli mavsumoldi tayyorgarlik jarayonida o'z qarashlariga mos tushadigan tarkibni shakllantirishga ulgurishi kerak. Bu esa unchalik oson ish emas. Masalan, «MYu» aynan shu maqsad yo'lida mana, uchinchi yildirki, ish olib bormoqda. Bu vaqt oralig'ida sarflangan pullarni esa aytmasak ham bo'laveradi, «Lokomotiv»da baribir, buncha pul yo'q.
Vaqt esa tobora kam qolmoqda. Ko'ramiz, «Loko» yangi mavsumda qanday karomat ko'rsatar ekan?..
Davomi InterFUTBOL gazetasi blogida.
— deya xabar beradi uff.uz nashri.
Bosh sahifaga
807