“Arsenal” klubi rahbariyati “Yuventus“ jamoasi bosh murabbiyi Massimiliano Allegri bilan og'zaki kelishuvga erishdi. Bu haqida Daily Express nashri xabar tarqatdi. Manbada aytilishicha, italiyalik mutaxassis “Arsenal” bilan o'tgan yilining oxiridan buyon muzokaralar o'tkazib kelmoqda va Arsen Venger ketsa, aynan u boshqaruvni o'z qo'liga oladi. 49 yoshli Allegri endi Vengerning qarorini kutmoqda. Unga kelayotgan yozda yakuniga etadigan shartnomani ikki yilga uzaytirish taklif qilingan. “Arsenal” rahbariyati shuningdek 67 yoshli frantsiyalik murabbiyning javobini kutmoqda va Venger shu oy oxiriga o'z kelajagi bo'yicha rejalarini e'lon qilishini kutmoqda. Ta'kidlanishicha, Allegri “Arsenal”da ko'rishni istayotgan futbolchilarning ro'yxatini ham tuzib qo'ygan.
— deya xabar beradi uff.uz nashri.