Yurtimizning nomdor jamoalaridan biri sifatida e'tirof etiladigan “Bunyodkor” nafaqat yurtimizda balki, horijda ham o'z xurmati va obro'siga ega. O'zbekiston professional ligasi sayti bergan ma'lumotga ko'ra 1-turda eng kam muxlis aynan muxtasham “Bunyodkor” stadionidagi o'yinni ko'rishga kelgan. E'tibor qaratingga 509 nafar muxlis “Bunyodkor” – “Sug'diyona” o'rtasidagi baxsni bevosita stadionda ko'rgan. Ularni ichida poytaxtda o'qiyotgan yoki ishlayotgan asli jizzaxlik bo'lgan muxlislar ham bo'lishi mumkinligi hech kimga sir emas. Poytaxtlik muxlislarga ba'zida tushinmay qolaman, dam olish kunida muxtasham o'yingoxga kelib, o'z jamoasiga mazza qilib muxlislik qilmaydi. Milliy futbolimizni rivojlantirish faqat mutaxassislarni emas, biz muxlislarni ham oldimizdagi muhim vazifamiz xisoblanadi. Yurtimizning gigant jamoasi hisoblanmish “Bunyodkor”ning muxlislari yurtimizning barcha hududlarida etarlicha topiladi. Shunday ekan, ekspriment sifatida qaldirg'ochlar bu mavsumning hech bo'lmasa birinchi davrasini Andijonda o'tkazishsin. Bu yil Andijonda oliy liga ishtirokchisi yo'q. Agar “Bunyodkor” vodiyda o'z o'yinlarini tashkil qilsa, 10 mingdan kam bo'lmagan muxlis stadionga kelishi bor gap. Ha aytmoqchi mavsum davomida emas, har bir o'yinga... . To'lib toshgan stadionda to'p surish qaldrig'ochlar uchun ham qiziqarli bo'lsa kerak, har qalay 509 nafar muxlisdan ko'p tomoshabin kiradi... . Agar shunday bo'lsa, muxlislik qilishni bizga qo'yib bering. Muxlislarga to'lgan stadiondagi har bir o'yinda “Bunyodkor” albatta g'alaba qozonadi... VASIEV Xayrullo
— deya xabar beradi uff.uz nashri.