"Roma" bosh murabbiyi Luchano Spalletti kecha "Napoli"ga qarshi o'tgan uchrashuv (1:2)dan so'ng o'yin haqida o'z fikrlarini bildirib o'tdi. "Realist bo'lish kerak, chempionlik kurashi uchun imkoniyatimiz juda oz edi, endi esa umuman qolmadi. "Yuventus"ning boshqa o'yinlari natijasi endi bizga umuman qizig'i yo'q. Mavsum yakuniga qadar faqat ikkinchi o'rin uchun kurash olib boramiz. Raqib bizni birinchi bo'limning o'zida mag'lubiyatga uchratib bo'lgandi, futbolchilarimiz esa o'zlariga kela olishmadi. O'yinda juda katta kuch sarfladik, lekin "Napoli" intizomli harakatlanib o'yinni yutib ketdi. "Roma" esa faqat uchrashuvning so'nggi daqiqasida gol urishga erishdi", - deydi Spalletti Sky Sport Italia nashriga bergan intervyusida. Eslatib o'tamiz, rimliklar o'z maydonlarida mavsum boshidan buyon ilk marta kecha mag'lubiyatga uchrashdi. 
— deya xabar beradi uff.uz nashri.