«Liverpul» klubi hujumchisi Sadio Mane APL 27-turidan o'rin olgan «Arsenal»ga qarshi kechgan bahsdan so'ng o'z fikrlari bilan o'rtoqlashdi. «Enfild»da bo'lib o'tgan uchrashuvda 3:1 hisobi qayd etilib, mezbonlarning g'alabasi bilan yakunlandi. Bu o'yinda Mane bittadan gol va golli uzatmaga mualliflik qildi. «Bu – «Lester»dan uchralgan mag'lubiyatdan so'ng, bizning reaksiyamiz edi. Biz tanqidlarga munosib javob qaytardik va uch ochko olishga muvaffaq bo'ldik. Jamoa yuqori darajadagi o'yin namoyish qildi. Biz bir jamoa bo'lib harakat qildik, uchrashuv boshidan oxirigacha tartibli o'yin namoyish qildik. G'alabadan juda xursandmiz», – deydi Mane.
— deya xabar beradi uff.uz nashri.