Bo'lib o'tgan «Manchester Siti» – «Monako» o'yinidan so'ng «Monako» jamoasi Evropaning eng samarali jamoasi ekanliklarini yana bir bor isbotlashdi. Zamin.uz blogi “Monako” ning ushbu mavsumdagi foydali yurishlari haqida fikr yuritadi. 
Ushbu mavsumda o'z uyida “Nitstsa” ustidan 3:0 hisobida g'alaba qozongan “Monako” barcha musobaqalarda urilgan gollarini 100 ta etkazib oldi va Evropaning eng samarali jamoasi nomiga egalik qilib turibdi. Frantsiyaliklardan tashqari ushbu natijani Ispaniyaning “Barselona” jamoasi ham takrorladi. “Monegaskliklar” va “kataloniyaliklar” etakchi 5 ta ligada ishtirok etuvchi klublar orasida barcha musobaqalarda qo'lga kiritgan natijalari bo'yicha birinchilardan bo'lib eng samarali klubga aylanishdi. O'zining 100-golini “Monako” 38 ta o'yinda, “Barselona” esa 36 ta o'yinda urishga erishdi. 
«Barselona» va «Monako» klubining raqiblari darvozasiga urgan birinchi 100 ta goli musobaqalar bo'yicha quyidagicha taqsimlanadi: Barselona:
La Liga: 55 ta gol
Chempionlar Ligasi: 20 ta gol
Ispaniya kubogi: 20 ta gol
Ispaniya Superkubogi: 5 ta gol.
Monako:
Liga 1: 68 ta gol
Chempionlar Ligasi: 16 ta gol
Frantsiya kubogi: 7 ta gol
Liga kubogi: 9 ta gol. «Monegaskliklar» uchun ushbu mavsumning yana bitta samarali rekordi mavjud. Aynan “Monako” Evropa klublari orasida o'z chempionatida eng ko'p gol urgan jamoa bo'lib turibdi. 
Ha «monegaskliklar» uchta o'yin ko'p o'tkazishgan “Barselona” dan, lekin agar o'tkazgan o'yinlarini tenglashtirsak ham baribir “Monako” oldinda. Liga 1 da 21 ta o'yinda “Monako” 64 ta gol urgan bo'lsa, “Barselona” esa shuncha o'yinda 55 ta gol urishga erishgan. «Monako» ning «Barselona» dan asosiy ustunligi shundaki, ular sodir etilgan imkoniyatlardan eng yaxshi foydalana olishgan.  Davomi Zamin.uz saytida.
— deya xabar beradi uff.uz nashri.