Dortmundning “Borussiya” klubi yarim himoyachisi Marko Roys “Bayer”ga (6:2) qarshi Bundesliga navbatdagi tur bahsida jarohat oldi. Endi u “Benfika”ga qarshi EChL 1/8 final javob o'yinida “sariq-qoralar”ga yordam bera olmaydi. Bu haqda jamoa ustozi Tomas Tuxel ma'lum qilgan.
“Chorshanba kuni Roysning maydonga tushishi uchun hech qanday imkoniyat yo'q. Bu afsusnarli holat. Marko bir necha hafta ichida yuqori darajada o'yin ko'rsatdi. Uning tusha olmasligi biz uchun katta yo'qotish”, – deydi Tuxel.
Roys bu mavsum barcha musobaqalarda 15 o'yinda maydonga tushib, 7 gol va 5 golli uzatmaga mualliflik qilgan.
— deya xabar beradi uff.uz nashri.