"Arsenal" hujumchisi Aleksis Sanches Angliya chempionati 27-turida "Liverpul"ga qarshi kechgan va 1:3 hisobidagi mag'lubiyat bilan yakuniga etgan o'yindan bir necha kun oldin jamoadoshlari bilan janjallashib qolgani aytilmoqda.
Chili terma jamoasining 28 yoshli futbolchisi mashg'ulotdan o'zboshimchalik bilan ketib qolgan va shundan so'ng "Arsenal" futbolchilari bilan janjal kelib chiqqan. Shu munosabat bilan Sanches "Liverpul"ga qarshi kechgan o'yinda zaxirada qolgan edi va tanaffusdan so'ng maydonga tushirildi. Arsen Venger bu qarorni taktika bilan bog'lagan.
Eslatib o'tamiz, Aleksis Sanchesning "Arsenal" bilan shartnomasi 2018 yilning yoziga qadar davom etishi lozim. Klub hujumchiga yangi shartnoma taklif etgan. Taklifda uning haftalik maoshi 130 ming evrodan 180 ming evroga oshirilishi ko'rsatilgan.
Ammo Sanches haftasiga 250 ming evro olishni istamoqda.
— deya xabar beradi uff.uz nashri.