Birinchi Liga ishtirokchisi "Zomin" jamoasi so'nggi turni o'z maydonida "Xotira"ga qarshi o'tkazadi. Bundan avvalgi  turda klub "Tsementchi" mehmoni bo'lgandi hamda 0:5 hisobida imkoniyatni boy berib qo'ygandi. Uchrashuvda klub bosh murabbiyi Asqar Umarov safarga bormagandi. "Xotira" bilan o'yin oldidan klub ustozi UFF.uz  internet portaliga intervyu berdi.
- So'nggi turni yaxshi kayfiyatda tugatish uchun to'p suramiz. "Xotira"ga ham bizga ham ochko juda zarur. Lekin shu o'yinda g'alaba qozonish uchun borimizni berishga tayyormiz. Asosiysi, g'alaba qozonib, mavsumni muvaffaqiyatli tugatib olish hisoblanadi. Qolaversa, muxlislarimiz qarshisida to'p surishimizni inobtga olsak, bu o'yinning ahamiyati yuqori. "Zomin" so'nggi turda faqat g'alaba uchun to'p suradi.
- Xabarlarga qaraganda, jamoada moliyaviy muammolar bor.
- Yashirmayman, klubimizda moliyaviy jihatdan muammolar bor. Mavsum boshidan beri bunday kamchiliklar yuzaga kelmagandi. Lekin oxirgi oylarda o'ziga yarasha qiyinchiliklar bo'lib turibdi. Vaziyat yaxshi bo'lib ketishiga ishonaman.
- "Tsementchi" bilan o'yinga nima sababdan bormadingiz?
- Bu ham harajatlarni tegash uchun safarga bormadim. Yordamchi murabbiy o'yinni boshqarib borgan. O'yin kuni borilganligi bois, o'yinchilarda charchoq alomatlari ham sezilgan. Natijada, o'yinni berib yuborilishiga sabab bo'lgan. Aslida jamoamiz mavsumni yaxshi tugatish uchun kurashyapti. Ammo, charchoq alomatlari, ichki muammolar bois, o'yinchilar ruhiyatida tushkunlik aks etib qolgan.

— deya xabar beradi uff.uz nashri.