Madridning «Real» klubi hujumchisi Karim Benzema kecha jamoa ixtiyoriga qaytib keldi va individual tarzda mashg'ulot o'tadi. Eslatib o'tamiz, hujumchi chorshanba kuni Frantsiya politsiyasi tomonidan ushlangan va bir kun tergov bergan edi.
Madridliklar Benzema mashg'ulotda ishtirok etganini rasman tasdiqladilar.
"Real" klubi prezidenti Florentino Peres futbolchi bilan uchrashdi va uni to'liq qo'llashini bildirdi. Prezident Benzemaning harakatlarida hech qanday jinoyat alomati bo'lmaganiga ishonishini aytgan.
Klub futbolchining professionalligini qadrlaydi va u jamoadoshlari bilan har doim yaxshi munosabatda bo'lganini tasdiqlaydi. Benzema olti yil davomida buni namoyish etib kelgan va jamoaning etakchi futbolchilaridan biri bo'lgan", - deyiladi klub bayonotida.
Eslatib o'tamiz, Benzema  "Lion" yarim himoyachisi Mate Valbuenaga qarshi tovlamachilik qilishda ayblanmoqda. Jinoyatchilar guruhi Valbuenaga obro'yini tushiradigan videolavha borligini bildirishgan va ma'lum mablag' to'lamasa uni ommaga ma'lum qilishlarini aytishgandi. Ushbu guruhda Karim Benzema ham bo'lgani aytilmoqda.
Shu vaqtga qadar sud Benzemaga ayblanuvchi yoki guvoh maqomini berishda aniqlik kirita olmay turgan edi. Ammo futbolchining o'zi sudga iqror bo'lgach, Benzemaga ayblov bildirildi. Endi faqat Valbuenaning o'zi Benzemani oqlay olishi mumkin. Bugun Valbuena ijtimoiy tarmoqdagi sahifasida suratini yangiladi va Benzema bilan birga tushgan suratini joylashtirdi. Demak futbolchi terma jamoadagi hamkorini oqlashga yordam berishi.
Futbolchi aybdor deb topilgan taqdirda unga eng og'ir jazo sifatida besh yillik ozodlikdan mahrum etilish jazosi qo'yilishi mumkin.
— deya xabar beradi uff.uz nashri.