Mamlakat chempionatining navbatdagi turida “Navbahor” Navoiyda “Qizilqum” klubi mehmoni bo'ladi. PFL bugun 2-turdan o'rin olgan uchrashuvlarni boshqaradigan hakamlar ro'yxatini e'lon qildi. Unga ko'ra 10 mart kuni Navoiyda bo'lib o'tadigan “Qizilqum” – “Navbahor” jamoalari o'rtasidagi uchrashuvni Viktor Serazetdinov boshqarib boradi. Serazetdinovga qanotlarda Aleksandr Sidorov va Doniyor Saylalovlar yordam berishadi. Zaxiradagi hakam vazifasini Ahrol Risqullaev bajaradi. Nazoratchichilik G'ayrat Karimov zimmasiga yuklatilgan bo'lsa Navoiyga Bobur Haydarov PFL vakili sifatida tashrif buyuradi. “Navbahor” a'zolari Navoiydagi uchrashuvga tayyorgarlikni bugundan boshlashadi. Mashg'ulotlar Toshkentda olib boriladi.
— deya xabar beradi uff.uz nashri.