8 mart kuni Oliy Liganing Samarqanddagi rasmiy ochilish uchrashuvida «Dinamo» jamoasi G'uzorning «Sho'rtan» jamoasini qabul qiladi. Samarqanddagi «Dinamo» stadionida o'tadigan chorshanba kungi uchrashuvning ochilish marosimi tadbiri 15:30 boshlansa, o'yinning boshlanish vaqti 16:00da belgilangan. Qayd etish joiz, 8 mart xalqaro xotin-qizlar bayrami munosabati bilan «Dinamo» - «Sho'rtan» uchrashuviga kirish xotin-qizlar uchun bepul bo'ladi. Bir haftadan buyon «Dinamo» stadioni kassalarida ushbu uchrashuvga chiqarilgan chiptalar sotuvi boshlangan. Chipta bahosi 5 ming so'm bo'lib, naqd pul va terminal orqali savdo amalga oshirilmoqda. O'zbekiston Professional Futbol Ligasi hakamlar qo'mitasi ushbu uchrashuvga tayinlangan hakamlar brigadasini ma'lum qildi. Unga ko'ra, «Dinamo» - «Sho'rtan» uchrashuvini toshkentlik Vadim Agishev boshqarib boradi. Unga qanotlarda Timur Galleev va Akbar Po'latovlar yordam berishadi. Uchrashuv nazoratchisi etib Dmitriy Roman tayinlangan bo'lsa, PFL vakili esa Aleksey Frolovdir. Oliy Liga. 2-tur. 8 mart (chorshanba) «Dinamo» (Samarqand) – «Sho'rtan» (G'uzor) Hakamlar: Vadim Agishev (Toshkent), Timur Galeev (Toshkent), Akbar Po'latov (Toshkent), Anatoliy Rubakov (Toshkent). Nazoratchi: Dmitriy Roman (Toshkent). O'zPFL vakili: Aleksey Frolov.
— deya xabar beradi uff.uz nashri.