Qadrli futbol ishqibozlari «InterFUTBOL» gazetasining payshanba sonida bir-biridan qiziqarli maqolalarni mutolaa qilishingiz mumkin. Esklyuziv materiallar, tahlil va suhbatlar  ham sizni befarq qoldirmaydi degan umiddamiz. Demak, gazetamizning 19-sonida nimalarni o'qish mumkin? - Osuda futbol og'rig'i Bahor - uyg'onish va yangilanish fasli. Shu bois, ko'klam ostonasida har bir futbol muxlisi kayfiyatida g'alabalar sog'inchi, o'zgachalikka intilish ishtiyoqi nish urishi tabiiy. Ayniqsa, yangi mavsum boshida shunday nekbin tuyg'ular to'foni muxlislar qalbida qo'zg'olon ko'taradi. Bu mavsum ibtidosida ham avvalgilari kabi sog'inch va sarkash hissiyotlar ziddiyati o'z ifodasini topdi. Yangi chempionatning o'ziga xos jihatlaridan biri shuki, oliy ligada ikki nafar tajribali murabbiy ish boshladi. - Boshlanishi chakki emas Mana, o'zbek futbolida yangi mavsum - XXVI chempionat ham boshlandi. Oliy liganing dast­labki turi belgilangan kunlar ob-havo rosa futbol o'ynaydigan darajada yaxshi bo'ldi. O'yin sifati uchun yana nima kerak? Ha, tribuna to'la muxlislar zarur. Ta'kidlash joiz, yangi mavsum startida ham stadionlarga muxlislar tashrifi masalasida odatiy manzara kuzatildi - viloyatlarda «ajiotaj», poytaxtda esa doimgidek «siyrak»lik, bo'sh qolgan tribunalar. Natija esa... - «G'arb»da chalkashlik OChL.FAKTLAR, RAQAMLAR, STATISTIK KO'RSATKIChLAR. - Artur Gevorkyan: «O'zbekiston – ikkinchi uyim» Ukrainalik taniqli futbol jurnalisti, tahlilchi Viktor Eryomin-Xoxlyuk yaqinda Oleg Protasov nomidagi to'p­urarlar klubini tashkil etish g'oyasi bilan chiqdi. Uning fikriga ko'ra, mazkur klub a'zoligiga xorij chempionatlarida 100tadan ko'p gol urgan sobiq ittifoq hududidagi futbolchilar kirishlari mumkin. E'tiborlisi, mazkur faxriy klubga asos solinishi bilan biz uchun yaxshi tanish futbolchi, samarali harakatlari bilan yurtimizdagi muxlislarda iliq taassurot uyg'otgan turkmanistonlik legioner Artur Gevorkyan ham darhol uning a'zosiga aylandi. Shu munosabat bilan g'oya muallifi ayni payt «Qizilqum» sharafini himoya qilayotgan futbolchiga qo'ng'iroq qilib, uni shaxsan qutladi. - Doston bo'lgin Dostonbek DOSTONBEK HAMDAMOV OChL-2017ning ISTIQBOLLI YoSh IShTIROKChILARI QATORIDAN JOY OLDI. - Ahmad Barman: «Finalda «Bunyodkor» va «Al-Ayn» o'ynasa, qarshi bo'lmasdim» «Bunyodkor»ning OChL doirasida o'z maydonida o'tkaziladigan o'yinlardagi omadsiz seriyasi davom etdi. «Qaldirg'ochlar» BAAning «Al-Ayn» klubiga qarshi kechgan bahsda imkoniyatni boy berishdi (2:3). Ha, tan olish kerak, «Al-Ayn» kuchli jamoa, o'tgan mavsum Osiyo Chempionlar Ligasi finaliga qadar etib borgan. Uchrashuvdan avval Umar Abdulrahmonni mehmonlar tarkibidagi eng xavfli futbolchi, degandik. Amalda ham shunday bo'lib chiqdi. Aynan uning ikki goli katta ahamiyat kasb etdi. Biz mazkur o'yindan so'ng mehmonlar yarim himoyachisi Ahmad Barmandan intervyu oldik. - Ikki jamoa to'rt o'yin Osiyo Chempionlar Ligasi guruh bosqichida ikkita tur ortda qoldi. Klublarimiz saralash bahslaridayoq yo'qotishga uchragan bo'lsalar, asosiy o'yinlarni ham risoladagidek o'tkazishdi, deyish qiyin. «Bunyodkor» so'nggi vaqtlar uchun an'anaviy tarzda har ikkisida ham mag'lubiyatga uchradi, «Lokomotiv» esa birida imkoniyatni boy berib, ikkinchisida g'olib chiqdi... - Dilshod NURALIEV: «Suriya termasini kuchli ishtiyoq evaziga engish mumkin» 2012 yili O'zbekiston o'smirlar (U-16) terma jamoasini Osiyo chempioniga aylantirgan taniqli murabbiy Dilshod Nuraliev bugungi kunda «Paxtakor» akademiyasiga rahbarlik qilyapti. «Paxtakor» akademiyasi jamoalari Rossiya, Qozog'iston, Belarus kabi mamlakatlarda o'tkazilgan xalqaro turnirlarda zafar quchishdi. Biz Dilshod Nuraliev bilan shu va boshqa bir qator mavzular yuzasidan suhbatda bo'ldik. - Bir yoqadan bosh chiqarish yoxud jamoaviy javobgarlik Ma'lumki, FIFA 2026 yildan e'tiboran, JCh final bosqichini 48ta terma jamoa ishtirokida tashkillashga qaror qildi. Umuman olganda, kengaytirilgan mundial-2026ga birgalikda mezbonlik qilishni istovchi mamlakatlar yo'q emas. Eslatma, bitta konfederatsiya vakillari qatorasiga 2 marta mundialga mezbonlik qilolmaydi. Shu bois, da'vogarlar ro'yxatida OFKga a'zo mamlakatlar yo'q. Zero, JCh-2022 aynan Osiyo hududi, ya'ni Qatarda bo'lib o'tadi... - Ange POSTEKOGLU: «Futbolda ortga yo'l yo'q» Bilsangiz kerak, Konfederatsiyalar kubogi-2017 turnirida OFK sharafini Osiyoning amaldagi chempioni - Avstraliya terma jamoasi himoya qiladi. Rossiya maydonlarida tashkillashtiriladigan turnirga tayyorgarlik ko'rayotgan «kengurular» jamoasi ishtahasi chakki emas. Xususan, «sokkeruz» bosh murabbiyi Ange Postekoglu FIFA.com saytiga bergan intervyusida bo'lajak turnirdan faqat va faqat ijobiy natijalar ko'zlayotganini yashirmadi. Uning ishonch bilan ta'kidlashicha, jamoasining Rossiyada munosib o'ynashi «yashil qit'a»da futbol nufuzi oshishiga xizmat qiladi. - Effekt bor, xato ham Grand jamoalarning eng omadli va omadsiz xaridlari. - Etti «chol» 50 YoShLI MIURA VA BOShQA SUPERFAXRIYLAR. - Daho akaning ukasi Bu galgi qahramonimiz o'ta noyob (balki umuman tengi yo'q!) sulola vakilidir. Uning oilasi 100 foiz bitta soha etagini tutganlardan tashkil topgan. Ota va ona hamda 4 nafar o'g'il - barchasi futbolchi! - Liga bo'yicha «kenjatoy» Tashkil etilganiga endi 9 yil bo'lgan «Krasnodar» klubi ilk marta EL 1|8 raundiga chiqdi. Aniqroq aytsak, Odil Ahmedovning sobiq jamoasi 2008 yilning 22 fevral kuni professional klub maqomini olgandi. Demakki, «buqalar» tarixi ayni o'sha sanadan boshlangan. Alohida qayd etish kerak, «yosh»gina «Krasnodar» ortda qolgan 9 yil ichida 100 yillik tarixga ega ayrim «qariya» klublarning hattoki, tushiga ham kirmagan yo'lni bosib o'tdi: Rossiya premer-ligasi etakchilari qatoriga qo'shildi, ketma-ket 3 yilki, ELda o'ynamoqda, go'zal stadion sohibiga aylandi. Umuman olganda, «Krasnodar» evrofutbol miqyosidagi eng «yosh» klublardan biridir. Ammo u Rossiya oliy divizionida ham «kenjatoy» emas. Evropaning etakchi milliy ligalarida qaysi ishtirokchilar «kenja» maqomiga ega ekanligi bilan qiziqsangiz, marhamat, Soccer.ru sayti ma'lumotlari asosida tayyorlangan quyidagi maqolaga nazar soling. - «Barsa» mo'ljali Kataloniya klubi ro'yxatidan joy olgan bundesliga iQtidorlari. - Xovard UEBB: «Bellamini bo'g'ib qo'ygim kelardi…» Hakamlik faoliyati davomida «Hushtak va kartochkalar magistri» maqomiga munosib ko'rilgan qattiqqo'l Xovard Uebb FourFourTwo jurnali uchun intervyu berishga rozi bo'ldiyu, «balo»ga uchradi. Gap shundaki, nashr jurnalistlari sobiq referini «telbanamo» savollar bilan biroz qiynab qo'yishdi. - Hakamga ataganingiz bormi? Ispaniya primerosida hakamlik masalasiga bog'liq navbatdagi mojaro yuzaga kelgach, mahalliy jurnalistlar alohida «tergov» uyushtirib, referilar chempionat ishtirokchilaridan qanday esdalik sovg'alari olishlarini aniqlashdi. - Enrike o'rniga kim munosib? Luis Enrike o'z va'dasiga muvofiq, keyingi rejalarini e'lon qildi - u mavsum yakunida «Barselona» bilan xayrlashadi. Enrikening yakuniy to'xtami Kataloniya klubining bo'lajak bosh murabbiyi masalasiga bog'liq muhokamalarni yangi darajaga olib chiqdi. Hozirda har bir obro'li nashr o'z talqinidagi nomzod mutaxassislar imkoniyatlarini obdon chamalashga urinmoqda. - Ari: «Muhimi «Loko»ga manfaat keltirish» «Krasnodar»dagi o'yinlari orqali nom qozongan braziliyalik hujumchi Ari joriy mavsumni «Lokomotiv» safida yakunlaydigan bo'ldi. U «temiryo'lchilar» tarkibidagi debyutini Rossiya kubogi doirasida «Tosno»ga qarshi kechgan o'yinda nishonladi. «SE» nashri muxbirlari shu uchrashuvdan so'ng Arini suhbatga chorlab, uning yangi jamoadagi ilk taassurotlari va «Krasnodar»dan ketishi sabablariga qiziqishdi. - Maktubingizni oldik: Hushyor bo'laylik... Ochig'i, milliy jamoamizning Suriya termasiga qarshi o'yini yaqinlashgani sari muxlislarimizda xavotir hissi kuchaymoqda. Sababi tayin - yanvar va fevraldagi yig'inlar yaxshi taassurot qoldirmadi. Ulardan ko'zlangan maqsad nima ediyu, samara qanday bo'ldi? Bu savolga jo'yali javob beradigan mutaxassis topilmasa kerak. Vaqt esa g'izillab o'tyapti. Tushunarliki, Suriya va Qatar termasiga qarshi bo'lajak 2ta o'yin jamoamiz uchun JCh-2018 saralashida hal qiluvchi ahamiyat kasb etadi. InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.