Mana, o'zbek futbolida yangi mavsum - XXVI chempionat ham boshlandi. Oliy liganing dast­labki turi belgilangan kunlar ob-havo rosa futbol o'ynaydigan darajada yaxshi bo'ldi. O'yin sifati uchun yana nima kerak? Ha, tribuna to'la muxlislar zarur. Ta'kidlash joiz, yangi mavsum startida ham stadionlarga muxlislar tashrifi masalasida odatiy manzara kuzatildi - viloyatlarda «ajiotaj», poytaxtda esa doimgidek «siyrak»lik, bo'sh qolgan tribunalar. Natija esa... TUR FAKTI 1-turda ko'zga tashlangan eng muhim fakt shuki, biror uchrashuvda durang qayd etilmadi. Boshqacha ayt­sak, loaqal 1ta ochko ham zoe ketmadi. 3ta jamoa safardan g'alaba bilan qaytgan bo'lsa, yana 5ta ishtirokchi o'z maydonida muxlislariga shodlik ulashdi. Agar mana shunday samaradorlik davom etsami, yangi mavsum O'zbekiston chempionati tarixida jamoalar tomonidan eng ko'p ochko jamg'arilgani bo'lishi tayin, albatta foiz hisobida. Axir milliy chempionatimiz tarixida 20-22ta klub ishtirok etgan mavsumlar ham kuzatilgan... MARKAZIY O'YIN Albatta, 1-turdanoq markaziy o'yinni aniqlash qiyin. Boisi, nazariy jihatdan har bir jamoaning chempionlik uchun imkoniyati teng hisoblanadi. Shunday bo'lsada, doim oltin medalga ko'z tikishga odatlangan «Paxtakor» va mavsum oldidan tarkibini ancha kuchaytirgan «Qizilqum» o'rtasidagi o'yinning e'tiborni ko'proq tortgani ayni haqiqat. Ammo uchrashuvda hamma kutgan «intriga» bir bo'limga cho'zildi, xolos. Harqalay, Jamshid Iskanderovning golidan so'ng Azamat Allaniyozov hisobni teng­lashtirgach, maydonda keskin kurash kechadigandek ko'rindi. Biroq «paxtakorchilar» tanaffusdan so'ng tashabbusni to'liq o'z qo'llariga olishdi va shunga yarasha, ishonchli g'alabani tantana qilishdi. KUTILMAGAN NATIJA Turning kutilmagan natijasi esa Bekobodda qayd etildi. Yaxshi bilasiz, «Metallurg» o'tgan mavsum dadil o'ynagan va birinchi davra yakunlariga ko'ra, hattoki, sovrinli o'rinlarga da'vo ham qilgandi. Garchi ikkinchi davrada Rustam Mirsodiqov jamoasi ishi u qadar yurishmagan bo'lsa-da, 7-o'rin - bekobodliklar uchun yomon natija emas. «Dinamo» esa avvalgi mavsum birinchi ligada tajriba oshirishga majbur bo'ldi. Odatda quyi ligadan elitaga qaytgan jamoa katta o'yinlar maromiga moslashishda muammolar sezardi. Ammo «Dinamo» ilk uchrashuvdayoq, boz ustiga, safarda «Metallurg»ni 2:0 hisobida engish asnosida turning o'ziga xos «sensatsion» natijasini tortiq etdi. Aftidan, samarqandliklar oliy ligaga katta shasht bilan qaytgan ko'rinadilar. QOLGAN HAMMASIDA KUTILGAN YaKUN... Mavsumning xoh boshi, xoh oxiri bo'lsin, har qanday holatda ham, hamma chempionlikka da'vogar sanalgan klubning g'alaba qozonishini kutadi. Shunga mos tarzda «Lokomotiv», «Bunyodkor» va «Nasaf» jamoalari startda qaerda o'ynashganidan qat'iy nazar, g'olib chiqdilar. To'g'ri, ularning 3 ochko olish yo'lida ancha ter to'kishganini alohida ta'kidlash o'rinli. Deylik, amaldagi chempion - «Lokomotiv» safarda «Mash'al» bilan kuch sinashdi va Marat Bikmaev tomonidan  62-daqiqada urilgan yagona gol evaziga ustun keldi. «Bunyodkor» va «So'g'diyo­na» o'rtasida kechgan bahs taqdirini esa Dostonbek Hamdamovning 79-daqiqada bergan birgina aniq zarbasi hal qildi. «Nasaf» ham Qo'qonda raqibdan yaqqol kuchli ekanligini ko'rsatolmadi. Ro'ziqul Berdiev jamoasi garchi 2:1 hisobida g'alaba qozongan bo'lsada, so'ng­gi daqiqalarda asosan himoyalanishdan o'zga chora topolmadi. TUR DEBYuTI Manba: www.interfutbol.uz InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.