"Arsenal" bosh murabbiyi Arsen Venger jamoa hujumchisi Aleksis Sanches va boshqa futbolchilar o'rtasida janjal kelib chiqqani haqidagi ma'lumotni inkor etdi. Eslatib o'tamiz, Sanches bosh murabbiy bilan ham kelisha olmay qolgani bois yozda jamoadan ketishi xabar qilingan edi.
"Sanches bilan kelishmovchilik borligi haqidagi xabarlar haqiqatga mos emas. Ha, uning o'zini tutishi boshqacha bo'lib turadi, ammo u sadoqatli futbolchi.
Tushunaman, jurnalistlar uchun ham gazetasini to'ldirishga xabarlar kerak. Sanches bilan munosabatimiz boshqa futbolchilar bilan bo'lganidek yaxshi. Uning shartnomasi 15 oydan so'ng yakuniga etadi va kelajagi borasidagi qaror faqat klubga bog'liq, boshqa hech kimga emas", - deydi Venger.
— deya xabar beradi uff.uz nashri.