Hurmatli futbol ishqibozlari, birinchi raqamli sport turi muxlislari!
2017-2018 yillarning dunyo va o'zbek futbolida juda katta o'zgarishlarni olib kelishi kutilmoqda. Futbol nashrlarining soni, unda berilayotgan xabarlar ketma-ketligi ortsa ortadiki, aslo kamaymaydi.
Bugun Sizning e'tiboringizga saytimizda har xil mavzudagi bloglar tanlovi ochilganini e'lon qilamiz. Bu nima degani? Keling, ikki og'iz tushintirishga harakat qilaylik.
Masalan, Siz futbolni yoqtirasiz. Sevimli jamoangiz o'yinlarini hech ham o'tkazib yubormaysiz. Xursand bo'lganingizdan u yoki bu bitiklarni qog'ozga tushirasiz. Xabar ostida "kommentlar"da erinmasdan sahifa-sahifa narsa yozasiz. Qiziqarli nimangiz bilandir ko'pchilikni hayron qoldira olasiz.
Unday bo'lsa, man biz Sizga imkoniyat taqdim etamiz, katta maydon sizniki! Istaganingizcha "to'pni olib" yuravering!
UFF.uz ma'muriyati siz uchun saytimizda blog ochish imkonini beradi. Albatta, buning uchun kerakli shartlardan o'tishingiz lozim bo'ladi. Ya'ni - muntazamlik (hech bo'lmasa 7 kunda bir marta), xatosiz yoza olish, dolzarb mavzular va hokazo. Bu haqida [email protected] manziligi yozib, kerakli shartlarni bilib olasiz.
O'zbek futbolidan tortib, dunyo futboligacha istalgan mavzuda xabar yoki maqola yozishingiz mumkin. Hatto, ayrim tungi o'yinlarning sharhini sayt ma'muriyatidan oldinroq va kengroq yozib, saytga joylab, o'z o'quvchingizga ega bo'lib borishingiz mumkin. Eng muhimi endi bloggerlarning yozganlari rahbatlantiriladi. Oddiy bloggerlikdan jurnalist maqomigacha ko'tarilishingiz mumkin. 
U biron bir klub blogimi, Jahon chempionatlari tariximi, terma jamoamiz, o'zbek futboli, bolalar futboli yoki rasmlardan iborat fotoblogmi, qo'yingki o'zingizga ma'qul bo'lgan sahifalarni ochishingiz mumkin.
To'g'ri, hozirda boshqa ijtimoiy tarmoqlarda o'z sahifangiz yoki blogingiz bo'lishi mumkin, unda ozmi-ko'pmi o'z o'quvchilaringiz bor. Ammo, endi bu erda bo'lsa, yozganlaringizni bir kunda 100 mingdan ziyod foydalanuvchi o'qiydi.
Xullas, balki sizda o'ziga xos hech qaerda uchramaydigan mavzu ostida blog ochish niyati bordir?! Bizga murojaat qiling. Yozganlaringizni birga o'qib boramiz!
Aytgancha, respublikamiz xududida sport, futbol yoki boshqa mavzularda chop etadigan gazetalar hamda nashrlar ham o'z bloglarini ochish imkoniga egalar.
Yana bir muhim gap: shu yilning oxirida bloglar o'rtasida tanlov bo'ladi. Ya'ni, muxlislar eng yaxshi deb topgan blogger O'zbekiston milliy terma jamoasining Rossiyadagi jahon chempionatidagi (keling, yaxshi niyat qilaylik) bitta o'yiniga bepul yuboriladi. Ikkinchi, uchinchi, to'rtinchi va beshinchi o'rin sohiblari ham sovg'alarga ega bo'lishadi.
Eng yaxshi bloggerni muxlislar so'rovnoma orqali aniqlashadi. Shoshiling, hali zo'r mavzularga "tesha" tegmagan.
Murojaat uchun:
Elektron manzil: [email protected]
P.S.
O'zbekiston klublari, futbol statistikasi, futbol tarixi hamda "Arsenal", "Manchester Siti", "Chelsi", "Manchester Yunayted", "Yuventus", "Milan", "Inter", "Atletiko", "Bavariya" jamoalariga atalgan bloglar imtiyozli hisoblanadi. Hozirda blogi borlar so'zsiz oldingi qatorlarda turishadi va ular uchun ham VIP imtiyozlar bo'ladi.
— deya xabar beradi uff.uz nashri.