Bugun Yoshlar ligasining 2-tur doirasida yosh "ajdarlar" buxorolik tengdoshlari bilan bahs yuritishadi. "Nasaf" - "Buxoro" yoshlari o'rtasidagi uchrashuv Qarshi shahridagi "Geolog" stadionida soat 15:00da boshlanadi. "Nasaf" yoshlari birinchilikni mag'lubiyat bilan boshlashdi. Ammo bugun ular "Buxoro" yoshlariga qarshi uchrashuvda g'alaba qozonish uchun maydonga tushishi aniq. "Buxoro" jamoasi yoshlari ham o'tgan 1-tur uchrashuvini o'z maydonida o'tkazib, "Olmaliq" yoshlaridan kichik 1:0 hisobida mag'lub bo'lishgan. Mazkur jamoalar o'tgan yili o'zaro qanday o'ynashgan va natija ko'rsatishgan? Dastlab o'zaro uchrashuv "Buxoro"da  23 aprel kuni bo'lib o'tgan. Bu uchrashuvda jamoamiz golini Sardor Sa'dullaev 40-daqiqada kiritgan. Mezbonlar bu golga 47-daqiqada javob qaytarishgan. Uchrashuv durang natija bilan yakun topgan. Ikkinchi davra uchrashuvi 8 sentyabr kuni Qarshida bo'lib o'tgan. Bu uchrashuvda yoshlarimiz yirik 4:0 hisobida  raqibini dog'da qoldirgan. Uchrashuvdagi gollarga Islom Kenjaboev, 45+1’-1:0, Dilshod Xushbakov (pen.), 66’-2:0, Sardor Sa'dullaev, 84’-3:0, Ilhom Alijonov 89’-4:0lar mualliflik qilishgan. Demak, o'tgan mavsumda jamoamiz yoshlari "Buxoro" yoshlariga mag'lub bo'lmagan. Bugun ikkala jamoa o'rtasida murosasiz va kurashlarga boy  futbol uchrashuvi bo'lishiga hech qanday shubha yo'q. Barcha futbol ishqibozlarini "Geolog" stadioniga taklif etib qolamiz. Stadionga kirish hamma uchun tekin.
— deya xabar beradi uff.uz nashri.