"Napoli" bosh murabbiyi Mauritsio Sarri "Real"ga qarshi uchrashuv (3:1)dan so'ng o'yin haqida o'z fikrlarini bildirdi. "Ramos? Bu jahon darajasidagi top futbolchi, u bunday vaziyatlarda o'z ishining mahoratli ustasi. Ramosning boshqa gollari ham aynan bosh bilan uriladi. Uning bu hislatini e'tiborga olmagandik. 55 daqiqa o'yini nazorat qildik, hujumlar uyushtirdik, lekin bugun dunyoning eng kuchli klubiga mag'lubiyatga uchradik. Uchrashuvda g'alaba qozonishimiz mumkin edi, ammo Ramosning kutilmagan gollari "Napoli" umidlarini butkul so'ndirdi.  Jamoamiz tarkibi yosh, hali bunday musobaqalarda qatnashishga imkoniyat yana bo'ladi. Agar "Napoli" mana shu uslubidan doimiy ravishda foydalansa, kelajakda jahon darajasidagi klub bo'lib etishadi", - deydi Sarri Football Italia nashriga bergan intervyusida.
— deya xabar beradi uff.uz nashri.