“Atletiko” hujumchisi Fernando Torres “Deportivo”ga qarshi (1:1) Ispaniya chempionati 25-turida kechgan bahsning oxirgi daqiqalarida boshidan jarohat olgan edi.
Ispaniyalik tajribali hujumchi to'p uchun kurashda Aleks Bergantinos bilan havoda to'qnashib ketgan va boshi bilan chim ustiga noqulay yiqilgandi. Buning natijasida 32 yoshli futbolchi hushini yo'qotgan.
Klub shifokorlari bir necha daqiqa mobaynida futbolchiga tibbiy yordam ko'rsatishdi va keyinchalik uni zambilda maydondan olib chiqib ketishdi. Keyinroq Torres tribuna ostida hushiga kelgan. U tezlikda shifoxonaga etkazilgan va o'sha tunni shifokorlar nazorati ostida o'tkazdi.
Torres jarohatidan batamom tuzalib, jamoa bilan birga to'laqonlik mashg'ulot o'tadi.
— deya xabar beradi uff.uz nashri.