"Arsenal" hujumchisi Teo Uolkott londonlik futbolchilar jamoa bosh murabbiyi Arsen Vengerdan bosimni olib tashlashlari lozimligini aytib o'tdi. Eslatib o'tamiz, "to'pchilar" barcha musobaqalarda o'tkazilgan so'ngggi 7 o'yindan 5 tasida mag'lubiyatga uchradilar va Chempionlar ligasidan chiqib ketib, APLda 5 o'ringa tushib qoldilar.

"Atrofdagi hamma qatori futbolchilarning o'zi ham klub bilan nimalar bo'layotganini tushunmay turibdilar. Biz shunchaki bor e'tiborni futbolga qaratmoqchimiz.

Murabbiy o'z ishini bajarmoqda. U har doim biz bilan ishlab, yordam berishga urinmoqda. U hamma bosimni o'ziga olmoqda, ammo futbolchilar natijani yaxshilash to'g'risida o'ylab ko'rishlari lozim. Biz o'z o'yinimiz bilan murabbiydan bosimni olib tashlashimiz kerak", - deydi Uolkott.
— deya xabar beradi uff.uz nashri.