Bugun saytimizda Chempionlar ligasiga oid bir qator qiziqarli ma'lumotlarni sizning hukmingizga havola etib boramiz. Chempionlar ligasida eng ko'p chempion bo'lgan jamoalar
Turnirda eng ko'p chempion bo'lgan jamoa "Real"dir. "Qirollik klubi" 11 marta musobaqa g'olibi bo'lgan.
Keyingi o'rinlarda "Milan" (7 marta), "Bavariya" (5 marta), "Barselona" (5 marta) va "Liverpul" (5 marta) jamoalari borishmoqda.
*****
Chempionlar ligasi finalida qaysi jamoa eng ko'p yuutqazgan?
Musobaqa finalida yutqazish bo'yicha antirekord "Yuventus"ga tegishli. Turinliklar 8 marta finalga chiqib, shularning 6 tasida kumush medallar bilan cheklanishga majbur bo'lishgan.
"Bavariya" va "Benfika" klublari esa 5 tadan finalni boy berishgan.
*****
Chempionlar ligasini nechta jamoa yutgan?
Musobaqada jami 22 ta jamoa g'oliblik nashidasini surishga muvaffaq bo'lgan. Shulardan, 10 tasi faqatgina bir martadan chempion bo'lishgan.
*****
Chempionlar ligasi finaliga chqqan, biroq g'olib bo'lmagan jamoalar
Musobaqada tarixida finalga chiqqan jamoalarning 16 tasi g'oliblik nashidasini surib ko'rmagan.
"Atletiko" finalda uch marta yutqazgan. "Reyms", va "Valensiya" klublari 2 martadan finalga chiqib, har ikkala finalni ham boy berishgan. Davomi Furqat Yusupov blogida.
— deya xabar beradi uff.uz nashri.