«PSJ» klubi yarim himoyachisi Yulian Draksler parijliklar o'yin uslubiga qiyinchiliklarsiz moslashganini aytib o'tdi. 23 yoshli nemis futbolchisi qishda «Volfsburg»dan «PSJ»ga o'tgan edi. ««PSJ» menga yoqadigan futbolni namoyish etadi. Jamoaning o'yin uslubi menga to'g'ri kelishini bilar edim. Bu erga kelib, «Volfsburg»da juda qiyin kechgan olti oydan so'ng erkin nafas olgandek bo'ldim. Frantsuz madaniyati menga har doim yoqqan. «Volfsburg»da yurgan davrimdayoq frantsuz tilini o'rganishga harakat qilganman. Echinish xonasida Dante va Gilavogining o'rtasida o'tirardim va ular frantsuzcha so'zlashar edilar, shuning uchun ularning so'zlarini tinglash va o'rganishga harakat qilardim. Menga frantsuzcha qo'shiqlar yoqadi, Parij esa jonu-dilim, shunday ekan «PSJ»ning uslubiga moslashish qiyin bo'lmadi», — deydi Draksler.
— deya xabar beradi uff.uz nashri.