«Yuventus»ning sobiq a'zosi va hozirda «Bavariya» klubi yarim himoyachisi Arturo Vidal turinliklar bilan EChL finalida uchrashishni xohlamoqda. ««Yuventus» – juda kuchli jamoa. «Portu»ga qarshi kechgan ilk o'yinda EChL g'olibligiga davogar ekanliklarini yaqqol ko'rsatib qo'ydilar. Ularning chorak finalga chiqishlariga shubha qilmayman. «Yuventus» bilan finalda to'qnash kelishni xohlardim», — deya Vidal so'zlarini keltirmoqda Football Italia nashri. Eslatib o'tamiz, «Bavariya» chorak final masalasini hal qilib ulgurgan bo'lsa, «Yuventus» keyingi hafta «Portu» bilan masalaga oydinlik kiritadi.
— deya xabar beradi uff.uz nashri.