EChL 1/8 final javob bahsidan o'rin olgan «Borussiya» Dortmund – «Benfika» uchrashuvi yakunlandi. Unda 4:0 hisobi qayd etilib, dortmundliklarning g'alabasi bilan tugadi. Uchrashuvning ilk daqiqalarida Obameyang burchakdan uzatib berilgan to'pni darvozaga joylab qo'ydi va jamoasini oldinga olib chiqdi. 59-daqiqada Pulishich «Borussiya»ning ikkinchi goliga mualliflik qilgan bo'lsa, oradan ikki daqiqa o'tib Obameyang hisobni yirik ko'rinishga keltirdi. Uchrashuv yakunlanishiga sanoqli daqiqalar qolganida yana o'sha Obameyang xet-trik qayd etdi va o'yinga nuqta qo'ydi. Shu tariqa ikki o'yin natijasiga ko'ra «Borussiya» chorak finalga yo'l oldi. EChL. 1/8 final, Javob uchrashuvi Borussiya D (Germaniya) – Benfika (Portugaliya)  4:0    Gollar: 1:0 – 4 Obameyang, 2:0 – 59 Pulishich, 3:0 – 61 Obameyang, 4:0 – 85 Obameyang. Borussiya D – Byurki, Bartra, Papastatopulos (Ginter, 88), Shmeltser, Pishchek, Kastro, Vaygl, Pulishich, Durm, Obameyang (Shyurrle, 86), Dembele (Kagava, 81). Benfika – Ederson, Luizao, Lindelef, Elizeu, Andre Almeyda, Salvio (Jonas, 64), Samaris (Jivkovich, 74), Servi (Ximenes, 82), Pitstsi, Nelson Semedu, Mitroglu. Ogohlantirishlar: Kastro (31), Samaris (33), Dembele (38), Pishchek (65). Ilk o'yin: 0:1  
— deya xabar beradi uff.uz nashri.