«Barselona»ning sobiq sardori Karles Puyol o'tgan haftada Rossiyaga keldi. U Sankt-Peterburgdagi JCh-2018 uchun qurilayotgan stadionni ko'zdan kechirish uchun FIFA vakillari bilan tashrif buyurgandi. Shundan so'ng Piterdagi «VKontakte» saytining ofisiga tashrif buyurdi. E'tiborli tomoni, 20 fevral kuni ispaniyalik futbolchi mazkur ijtimoiy sayt a'zosiga aylangandi. Xullas, Rossiyaga tashrifi chog'ida Puyol sayt a'zolarining savollariga javob berdi. Futbol haqida - Men uchun futbol hamisha birinchi o'rinda bo'lib qolaveradi, - deb gap boshladi Puyol. - Tizzamdan olgan jarohatim tufayli ikki yarim yildan buyon futbol o'ynamayapman. Hozir hammasi joyida. Maydonga qaytish istagim esa tinchlik bermayapti. Bir so'z bilan aytganda, futbol mening hayotim. «Real» haqida - «Real» muxlisiga dastxat berishim mumkin. Umuman olganda, bu ishni ko'p qilganman. Agar «Real» muxlisiga yoqsam, bunga e'tirozim yo'q. «Qirollik klubi»da do'stlarim bo'lgan va hozir ham bor. Biz ular bilan terma jamoada birga yashaganmiz. «Barselona» va «Real»ning qarama-qarshiligi esa boshqa masala. Iker Kasilyas va Raul bilan do'stman. Umuman, «Real»da do'stlarim ko'p. Murabbiylik faoliyati haqida - Hozircha murabbiylik qilish niyatim yo'q. Nima uchun? Chunki bu juda qiyin ish. Shundoq ham haftasiga etti kun, sutkasiga 24 soatlik ishim bo'lgan. Hozir hayotim boshqa bosqichda. Ikki qizim bor. Birinchisi uch, ikkinchisi esa bir yoshda. Shu bois ham bunday vaziyatda rafiqam bilan birga bo'lmoqchiman. Agar murabbiylik qilsam, bulardan mahrum bo'laman. Sport direktorligi haqida -  Xavi o'zi va Buskets murabbiy, Pike prezident, Puyol esa sport direktori lavozimida ishlayotgan «Barselona»ni ko'rishni istayotganini aytgandi. Bu reja yomon emas, ammo nima bo'lishini vaqt ko'rsatadi. Hozircha, Pikening roli real. Chunki u klub prezidenti bo'lishni istayotganini bir necha bor aytgan. Men esa uni ko'proq futbolchi va yaqin do'stim sifatida qabul qilaman. U fantastik futbolchi. Umuman olganda, murabbiylikdan ko'ra sport menejeri bo'lish menga ko'proq yoqadi. O'tish davrida bunday lavozimda ishlashga ham ulgurdim. Hammasi qanday tashkil etilgani bilan tanishdim. Albatta, bu oson ish emas. Lekin u erda ishlash qiziq. Messi haqida Suhbatning davomi: www.iff.uz InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.