Ertaga Birinchi Liganing 16-tur uchrashuvlari bo'lib o'tadi. "Obod" uyda "Kosonsoy"ni qabul qiladi. Mazkur bahsda toshkentliklar qanday hisobda bo'lmasin, g'alaba qozonsa, oliy liga yo'llanmasini qo'lga kiritadi. Ushbu bahsdan oldin "Obod" bosh murabbiyi Xayrulla Abdiev UFF.uz internet portaliga o'z fikrlarini bildirib o'tdi.
- Xayrulla aka, ertangi o'yinga qanday tayyorgarlik ketmoqda?
- Tayyorgarligimiz maromida davom etmoqda. Har bir jamoaga qarshi alohida taktika ishlab chiqamiz. "Kosonsoy"ga ham yaxshi tayyorgarik bo'lyapti. Ertangi o'yinda g'alaba qozonishga urinamiz.
- "Kosonsoy" sizning nazaringizda qanday jamoa hisoblanadi?
- Ushbu o'yin qiziqarli o'tishi kutilmoqda. Birinchi bahsda biz juda qiyin tarzda g'alaba qozongandik. So'nggi daqiqalarda gol kiritib, muvaffaqiyat qozongandik. Jamoa yaxshi shakllangan va bizga qarshilik ko'rsatishi kutiladi. Ertaga qiyin o'yin bo'ladi. Lekin "Obod" oldiga qo'yilgan vazifani bajarishga urinadi.
- "Obod" oldida hech qanday bosim bo'lmayaptimi?
- Hech qanday bosim yo'q. Hammasi joyida. Futbolchilar ham muhim o'yin ekanligini biladi va g'alaba qozona oladi.
- Agar klub oliy ligaga chiqish uddasidan chiqsa, to'p suradimi?
- Albatta. Klub rahbariyati ham "Obod"ni oliy ligaga olib chiqishini istashmoqda. Buni uddasidan chiqsak, albatta kelgusi yilda jamoa eltida o'ynaydi.
— deya xabar beradi uff.uz nashri.