O'zbekiston milliy terma jamoasining JCh–2018 turniriga saralash bosqichidagi raqibi – Qatar termasi bugun, 9 mart kuni Ozarbayjonga qarshi o'rtoqlik o'yini o'tkazdi. Doha shahridagi Jassin Bin Hamad Stadium maydonida bo'lib o'tgan uchrashuvda ozarbayjonliklar 2:1 hisobida zafar quchdi. G'oliblar safidagi ikkita golni ham zaxiradan maydonga tushgan futbolchilari kiritdi. Mazkur bellashuv Qatar terma jamoasi uchun jahon chempionati saralash bosqichi ikkinchi davrasiga tayyorgarlik vazifasini o'tadi. Qatar JCh–2018 saralash bosqichi ikkinchi davrasini 23 mart kuni o'z maydonida Eronga qarshi o'yin bilan boshlaydi. 28 mart kuni esa Xorxe Fossati shogirdlari Toshkentda O'zbekiston terma jamoasi bilan o'zaro bahs olib boradi. Ma'lumot uchun, JCh–2018 saralash bosqichi “A” guruhi 5-turidan keyin O'zbekiston terma jamoasi 9 ochko bilan uchinchi o'rinda bormoqda. Qatar termasi 5 ochko bilan 5-pog'onani band qilib turibdi. Qatar – Ozarbayjon 1:2 Gollar: Rodrigo Tabata (55) – Tarlan Guliev (52), Araz Abdulaev (62) Qatar: Saad Al-Shib, Abubakr Essa, Rodrigo Tabata, Hassan Al-Haydos, Akram Afif, Ibrohim Majid, Ahmad Al-Said, Pedro Migel, Bualem Huki, Luis Kayera, Sebastyan Soria. Ozarbayjon: Salahat Agaev, Qara Qaraev, Magomed Mirzabekov, Namig Alasgarov (Rauf Aliev, 46), Ruslan Gurbanov (Tarlan Guliev, 46), Farhod Sodiqov (Araz Abdullaev, 46), Javid Huseynov (Elvin Mammadov, 83), Agabala Ramazanov (Urfan Abbasov, 71), Rahid Amirquliev, Tellur Mutallimov. 
— deya xabar beradi uff.uz nashri.