Dortmundning “Borussiya” klubi rahbariyati va murabbiylar shtabi yarim himoyachi Marko Roysni jamoada saqlab qolish uchun harakat qilmoqda, deya yozadi Bild nashri. 27 yoshli futbolchining dortmundliklar bilan amaldagi shartnomasi 2019 yilning yoziga qadar davom etadi. Ayni vaqtda Roys yiliga 8 million evro maosh oladi va klubning eng ko'p haq oladigan o'yinchisi hisoblanadi. Roys “Borussiya D” bilan maoshi oshirilgan holda shartnomani uzaytirishga tayyor ekanini bildirgan. Joriy mavsumda Marko Roys jarohatlar sabab Germaniya chempionatida atigi 11 o'yinda maydonga tushib, 2 ta gol urib va 4ta golli pasga mualliflik qildi. 
— deya xabar beradi uff.uz nashri.