"Futbol" jurnali bosh muxarrisi Artem Frankov Kievning "Dinamo" klubi sobiq hujumchisi Maksim Shatskix nima sababdan kievliklar safidagi so'nggi o'yinida maydonga tushmagani haqida ma'lumot berib o'tdi. Uning aytishicha, "Dinamo" klubi prezidenti Igor Surkis ham bosh murabbiy Yuriy Semin shunday qaror qabul qilishini kutmagan ekan.
"Ha, darhaqiqat Semin o'shanda mutlaqo tushunarsiz qarorga kelgan edi - qandaydir o'z printsipida turib oldi shekilli.
Menimcha "Dinamo" prezidenti Igor Mixaylovich Surkis ham bunday bo'lishini kutmagan. U ham hamma qatori vaziyatni tushunmay qoldi. Ammo nima bo'lgan taqdirda ham, Surkis vaziyatga aralasha olmas edi. Unda bunday imkoniyat yo'q edi.
O'shanda hamma so'nggi daqiqalar, aniqrog'i so'nggi zaxira almashtirilishiga qadar Maksim Shatskix maydonga tushishini kutgan edi. Keyin esa biror narsani o'zgartirishga kech bo'lgandi", - deydi Frankov.
— deya xabar beradi uff.uz nashri.