«Torino»da ijara asosida to'p surayotgan «Manchester Siti» darvozaboni Jo Xart «shaharliklar»ga keragi bo'lmagan taqdirda boshqa jamoa qidirishini aytib o'tdi.
- Haqiqatga tik qarashim lozim, men «Manchester Siti»ni yaxshi ko'raman va buni har doim aytganman. Klubga kerak bo'lgan vaqtimda uning sharafini himoya qildim. Ammo har doim extiyotkor bo'lishga intilganman.
Grand klublarda barchasi tez o'zgarib ketadi, odamlar va mas'ul shaxslar o'zgaradi. Hamma ham o'zing kabi o'ylamaydi. Shunday ekan, balki yangi jamoa qidirishga to'g'ri kelar.
Men futbol o'ynashni istayman. Premer ligani yaxshi ko'raman, u fantastik chempionat. Ammo o'zimga talab bo'lgan klubda o'ynashni istayman, - deydi Xart.
Eslatib o'tamiz, 29 yoshli darvozabonning «Manchester Siti» bilan shartnomasi 2019 yilga qadar davom etishi lozim.
— deya xabar beradi uff.uz nashri.