Londonning «Arsenal» klubi bosh murabbiyi Arsen Venger «Barselona» bosh murabbiyi Luis Enrikega nisbatan tanqidiy munosabatda bo'lganlarga nisbatan kinoyali fikr bildirdi. Eslatib o'tamiz, «Barselona» «PSJ»dan 0:4 hisobida mag'lub bo'lgach, Enrike tanqid ostida qolgan edi. Javob o'yinida kataloniyaliklar 6:1 hisobida g'olib chiqib, EChL chorak finaliga yo'l olgan.
- Ikki hafta muqaddam Luis Enrike ahmoqqa chiqarilgandi va iste'foga chiqishi talab qilingan edi. U bunga javoban «Okey, men ketaman», dedi.
Endi esa u qahramonga chiqarildi. Ammo murabbiyning ishi o'zi shunaqa. Men «PSJ» gol urgandan so'ng ham o'yinni oxiriga qadar tomosha qildim. «Barselona» uchrashuvni qanday yakunlashini ko'rishni istadim.
Uchrashuv oxirida esa qanday qilib bunday bo'lishi mumkinligi haqida o'ylanib qolasan. Hatto futbolda uzoq vaqt ishlasang ham, - deydi Venger.
— deya xabar beradi uff.uz nashri.