EChL|EChK tarixida 100ta gol urish hali hech bir futbolchiga nasib qilmagan. Faqat ikki kishi ushbu natijani qayd etish imkoniyatini hamon saqlab turishibdi. Atigi sakkiz o'yinchi kvalifikatsiya bahslarini ham qo'shib hisoblaganda, 50 yoki undan ko'proq gol urishgan. Quyidagi maqola turli mamlakatlardan «Ko'hna qit'a»ga tashrif buyurib, Chempionlar Ligasida o'ziga xos ko'rsatkich qayd etganlar haqida. Ular orasidan o'rin olgan ham-yurtimiz Maksim Shatskixning natijasi evropalik mutaxassislar tomonidan yuksak baholangani esa kishini quvontiradi. Evropa Ispaniya. Raul Gonsales («Real»). Uzoq vaqt EChLning eng yaxshi to'purari nomini o'zida saqlab, so'ngra bu borada Messi va Ronalduni oldinga o'tkazib yuborgan futbolchi. O'rtacha ko'rsatkich bo'yicha zamonamiz yulduzlari ilgarilab ketishgan, ammo Raulning 71ta goli - Ispaniyada tengsiz. Agar Di Stefanoni ham argentinalik emas, ispan deb hisoblaydigan bo'lsak, uning 49ta aniq zarbasi rekord uchun kamlik qilishi aniq. Morentes turnirning asosiy bosqichida 30ta, Xento esa 32ta to'p kiritishgan. Germaniya. Tomas Myuller («Bavariya»). 39ta gol - Germaniya uchun eng yaxshi ko'rsatkich. Buyuk to'purarlarga ega mamlakat futbolida Tomas hammani ortda qoldirdi. To'g'ri, Gerd Myullerda samaradorlik yuqori bo'lgan - 35 o'yinda 34ta gol. Ammo uning familiyadoshi 90ta urinish hisobiga birinchi o'ringa ko'tarilib olgan. Bu boradagi uchinchi natija Kloze, Xaynkes hamda Ballakni ortda qoldirgan Mario Gomesga tegishli. Angliya. Ueyn Runi («Manchester Yunayted»). Inglizlardan etakchini aniqlash qiyin emas - Runida 30ta (kvalifikatsiya raundida yana 4ta) gol bor. 24ta gol urgan Pol Skoulz esa Frenk Lempard (23) hamda Stiven Jerrard (21)ni ortda qoldirib ikkinchi o'rinni egallab turibdi. Italiya. Filippo Inzagi («Yuventus», «Milan») - 46ta gol. Filippo bu borada boshqa bir italiyalik afsona - Alessandro Del Pero (42ta gol)dan o'zib ketgan. Uchinchi o'rin sohibini aniqlash biroz qiyinchilik tug'dirishi tayin. U - Matstsola, Totti yoki Rossi emas, balki EChLdagi raqiblari darvozasini 25 marta ishg'ol qilgan Marko Simeone. Frantsiya. Karim Benzema («Lion», «Real»). Bu futbolchining rekordi UEFA vakillarini hayratlantirdi - 51ta gol bilan Anrini ortda qoldirdi (Terri asosiy bosqichda 50ta, kvalifikatsiyada bitta to'p kiritgan) va «Napoli»ga qarshi bahsning eng yaxshi o'yinchisi, deb topildi. Benzema ushbu ko'rsatkichni qayd etish uchun 89ta uchrashuvda maydonga tushdi. Frantsuz goleadorlari orasida uchinchi o'rinni egallab turgan hujumchi ham mashhur - afsonaviy Trezege. Mazkur holatning o'ziga xos jihati nimadaligini bilasizmi? Karim - jazoirlik, Terri - antiliyalik, David esa Frantsiyada tug'ilgan argentinaliklar oilasi vakili. Portugaliya. Krishtianu Ronaldu («MYu», «Real»). Davomi: ww.iff.uz InterFutbol.uz ning Telegram dagi sahifasiga ulaning – eng so'nggi yangiliklar, qiziqarli bloglar va tahliliy materiallar endi bir to'plamda.
— deya xabar beradi uff.uz nashri.