AQSh terma jamoasining sobiq himoyachisi Aleksi Lalasning so'zlariga ko'ra, Zlatan Ibrohimovich “Los-Anjeles Gelaksi”ga o'tishi mumkin.
“Ibragimovich uchun bu o'tish nafaqat MLSga kelish, balki juda ko'p pul ishlab olish uchun ham imkoniyatdir. U shuningdek, yangi brendni rivojlantirishi ham mumkin. O'ylaymanki, “Gelaksi”da yozda yoki kelasi yili Ibragimovich bilan shartnoma imzolash uchun imkon bor. Ular futbolchi bilan aloqaga chiqqan va transfer borasida muzokaralar o'tkazgan”, – deya Lalasning so'zlarini keltiradi ESPN FC nashri.
Eslatib o'tamiz, 35 yoshli futbolchining “Manchester Yunayted” bilan tuzgan kelishuvi 2016/2017 mavsum oxirida yakuniga etadi.
— deya xabar beradi uff.uz nashri.