Yaxshi bilasiz, 23 mart kuni Malayziya davlatining Kuala-Lumpur shahrida Suriya hamda O'zbekiston milliy terma jamoalari o'rtasidagi JCh-2018 saralashining guruh bosqich 6-tur o'yini bo'lib o'tadi.
Uchrashuvning qadri va ahamiyatini hamma his qilib turibdi.Ortiqcha gapirishning hojati yo'q. Biz bugun Suriya matbuotini kuzatdik.
Ma'lum bo'lishicha, Suriya terma jamoasi kelasi haftadayoq Kuala-Lumpurga uchib ketadi va O'zbekistonga qarshi bir haftadan ko'proq vaqt mobaynida tayyorgarlik ko'radi.
Terma jamoa futbolchilari shu haftada ketar oldidan jamlanishib, O'zbekistonga qarshi o'yinda albatta g'alaba qozonishga va'da berishdi. Suriya delegatsiyasi O'zbekiston ustidan chiroyli g'alabaga erishib, yurtdoshlariga bayram kayfiyatini hadya qilishni rejalashtirmoqda.
Umuman olganda, ko'pchilik osiyolik ekspertlar ushbu o'yinda Suriyaning ochkoga ega bo'lishiga ishonmoqda. Bu bilan ular O'zbekistonni kuchsiz deyishmayapti, aksincha Suriya buyog'iga kuchayishi ta'kidlangan.
Xullas, guruhimizda hamma g'alabani istayapti, hammaga JCh-2018ga borish qiziq bo'lmoqda. Hech kim bizga ochkoni shundoqqina berib qo'ymaydi. Judayam istardikki, mart oyidagi ikki o'yinda biz ham 6 ochko olsak. Bunga salohiyatimiz ham etarli, deb o'ylymiz. Faqatgina to'g'ri taktika tanlansa va to'ri futbolchilar maydonga tushsa bo'ldi. Marra bizniki bo'ladi. P.S.
UFF.uz saytining Telegram tarmog'idagi rasmiy kanaliga ulaning va supersovringa ega bo'ling!
— deya xabar beradi uff.uz nashri.