Londonning "Arsenal" klubi bosh murabbiyi Arsen Venger Madridning "Real" klubi hujumchisi Krishtianu Ronaldu mudom "Oltin to'p" uchun kurash olib borishi unga zarar etkazishi mumkinligini aytib o'tdi.
"Ronaldu - xuddi Messi kabi dunyoning eng kuchli futbolchisi hisoblanadi. Messi golli uzatmalar borasida biroz ustunlikka ega, ammo men biror futbolchini yuqoriroqqa qo'yishni istamayman. Umuman, bu mening tashvishim ham emas.
Men individual sovrinlarga bo'lgan ishtiyoq tufayli bir qator futbolchilar sinib qolganini ko'rganman. Bunday sovrinlar o'yinchilarda xudbinlik hissini shakllantiradi. Oqibatda ular shaxsiy maqsad yo'lida jamoa manfaatlariga zid ishlar qiladilar, yaxshiroq holatda turgan jamoadoshiga pas bermay qo'yadi.
Sen mart oyida dunyoning eng kuchli futbolchisi bo'lishing mumkin, ammo mayga borib 250-o'ringa tushib qolishing ham hech gap emas. Sportda hammasi juda tez o'zgarib ketishi mumkin", - deydi murabbiy.
— deya xabar beradi uff.uz nashri.