"Real" va Frantsiya terma jamoasi futbolchisi Rafael Varan mashg'ulotlarga qaytishga tayyor. Bu haqda L'Equipe nashri xabar beradi. Manbaning xabariga ko'ra, Varan sonidan olgan jarohatidan so'ng individual dastur jarayonida mashg'ulotlarni o'tamoqda. Yaqin vaqt davomid Rafael "Real" umumiy guruh mashg'ulotlariga qaytadi. Eslatib o'tamiz, frantsiyalik futbolchi "Valensiya"ga qarshi mehmonda kechgan uchrashuvda jarohat olgandi. Ma'lumot uchun, Varan joriy mavsum Ispaniya La Ligasining 18 uchrashuvida maydonga tushgan va bir golga mualliflik qilgan.
— deya xabar beradi uff.uz nashri.