Rossiyalik futbol mutaxassisi Rinat Bilyaletdinov Evropa ligasi doirasida "Krasnodar" va "Selta" o'rtasida kechgan bahs haqida fikr bildirarkan, yaqinda Xitoyga ketgan Odil Ahmedov krasnodarliklarga etishmaganini aytib o'tdi.
"Bu o'yinda "Krasnodar"ga Fedor Smolov etishmadimi? Albatta jamoaga to'purar futbolchi juda kerak. Ammo Odil Ahmedovning yo'qotilishi ham juda ko'zga tashlanarli bo'ldi. Maydon markazida uning foydasi tekkan bo'lardi.
Pavel Mamaev hozircha jarohatdan so'ng to'liq formaga kirib ulgurmagan va uni tanqid qilishdan ma'no yo'q", - deydi Bilyaletdinov.
Eslatib o'tamiz, Ispaniyada bo'lib o'tgan uchrashuvda "Krasnodar" 1:2 hisobida mag'lubiyatga uchragan edi.
— deya xabar beradi uff.uz nashri.