Bugun oliy liga 3-turidan o'rin olgan “Paxtakor” – “Dinamo” qarama-qarshiligi bo'lib o'tdi. Bellashuvning asosiy vaqti tugashiga bir daqiqa qolganda, samarqandliklar futbolchisi Shoxruh Xolmatov boshi bilan darvozani ishg'ol qilib "Dinamo"ga 3 ochko olib keldi – 0:1.
Uchrashuvdan so'ng “sherlar” ustozi Grigoriy Kolosovskiy o'yin borasida o'z fikrlari bilan o'rtoqlashdi.
- Bugun mag'lubiyatga uchrab muxlislarimizni ancha hafa qilib qo'ydik. Bu holat albatta, alamli. Ushbu jarayondan chiqib ketishimiz kerak. Buning uchun qo'ldan kelgancha aql bilan ish tutishimiz kerak.
Raqibga keladigan bo'lsak, ular to'g'ri yo'lni tanlashdi. Bizga imkoniyat qoldirmaslikka harakat qilishdi. Himoyada ishonchlik o'ynashdi. Ikkinchi qavatda ham vaziyatlarni yo'qqa chiqarishdi, - deydi "Paxtakor" bosh murabbiyi.
— deya xabar beradi uff.uz nashri.