Oliy Liga 3-turi doirasida Toshkentda «Paxtakor» mehmoni bo'lgan Samarqandning «Dinamo» jamoasi safardan juda muhim g'alaba bilan qaytdi va chempionatning yaqqol peshqadamiga aylandi. Dastlabki ikki turda ham «Metallurg» va «Sho'rtan»ni mag'lub etgan jamoa, bu safar ham xuddi shu tarkibda «Paxtakor»ga qarshi saf tortdi. O'yin davomida maydon egalarining ustunliklari ko'ringan bo'lsada, «Dinamo» himoya qo'rg'oni barqaror o'yin ko'rsatishda davom etdi. Bu o'z samarasini o'yin yakunida berdi. Murabbiylar zaxira o'ridig'idan juda unumli foydalanishdi. Maydonga tushgan Abdumalik Abdullaev tezkorligi evaziga hujumkorlikni oshirgani bilan, 88-daqiqada jarima zarbasini ham ishladi. Javohir Qahramonov tomonidan etkazib berilgan to'pni esa zaxiradan maydonga tushgan moldovalik Radu Rogak boshi bilan «Paxtakor» darvozasiga kiritib, Samarqanddan Toshkentga kelgan yuzlab muxlislar o'tirgan sektorni larzaga keltirdi, 0:1. «Dinamo» jamoasi bu g'alaba bilan tarixni yangiladi. So'nggi marta jamoamiz 17 yil oldin, 2000 yilda Toshkentda «Paxtakor»ni mag'lub etgandi. Ushbu g'alabadan keyin «Dinamo» dastlabki uch o'yinda uchta g'alabaga erishib, Oliy Liga tarixidagi eng yaxshi startni taqdim eta oldi va 9 ochko bilan yaqqol peshqadamga aylandi. Oliy Liga. 3-tur. 3-tur. 12 mart (yakshanba) «PAXTAKOR» - «DINAMO» – 0:1 Toshkent, 2117 tomoshabin. Hakam: Olim Tolibjonov (Toshkent) – 8,5. Gol: Shohruh Holmatov (88). «Paxtakor»: 1. B. Ergashev, 4. A. Oroxovats, 5. A. Ismatullaev (21. K. Tojiev, 76), 7. A. Ahmedov, 10. D. Iskanderov, 11. I. Sergeev, 17. S. Nurullaev (20. J. Hakimov, 69), 24. D. Hoshimov, 28. S. Andreev (8. Sh. Karimov, 53), 29. V. Kozak, 30. Yu. Bulyat. «Dinamo»: 1. Mixail Naumov, 2. Mirkomil Lokaev, 3. Bunyod Isroilov, 6. Akmal Bozorov, 8. Jasur Azimov, 9. Sardor Sulaymonov (23. Komil Sharofutdinov, 90+1), 10. Javohir Qahramonov, 15. Shoxruh Xolmatov, 18. Damir Nizanov (14. Radu Rogak, 64), 19. Orifjon Mamajonov (11. Abdumalik Abdullaev, 69), 22. Abdujamol Isroilov. Ogohlantirishlar: A. Ahmedov (84), D. Xoshimov (85) - Sh. Xolmatov (76). Eng yaxshi o'yinchilar: J. Iskandarov – M. Naumov
— deya xabar beradi uff.uz nashri.