Matbuot anjumanining ikkinchi qismida "Lokomotiv" bosh murabbiyi Andrey Miklyaev va jamoa himoyachisi Bobur Yo'ldoshev ishtirok etishdi. Andrey Miklyaev savollarga javob qaytarar ekan, quyidagi fikrlarni bildirdi: "Bugun har ikkala jamoani qiziq o'yin kutib turibdi deb o'ylayman. Hozir guruhdagi vaziyat shundayki, barcha to'rttala jamoada ham uch ochkodan bor, bu esa kurashni yanada qizdiradi. Guruhdan chiqish uchun nafaqat uyda, balki safarda ham ochko olish kerak bo'ladi. Shu bois ertangi o'yindan ochko bilan qaytishga harakat qilamiz". Biz Eronda birinchi bor to'p surayotganimiz yo'q. O'tgan yil bu erda "Sepaxon", undan oldin esa "Fulad"ga qarshi bahs olib borganmiz. Eronliklar futbolni juda yaxshi ko'rishadi, ularda kuchli futbolchilar ko'p. O'z navbatida biz ham ulardan qolishmaymiz va buni bugun isbotlashga harakat qilamiz". "Istiqlol"ning OChLdagi o'yinlarini ko'rdik, raqib haqida yaxshi tasavvurga egamiz. Raqib futbolchilari jismoniy jihatdan baquvvat va taktik tomonlama ham yaxshi shakllangan. Bobur Yo'ldoshev: "Uchrashuv qiyin bo'lishini his qilib turibmiz. Qolaversa, "Ozodi" stadioniga ko'plab muxlislar kelishi kutilyapti. Shunga qaramay, o'z o'yinimizni namoyish etgan holda g'alaba qozonishga harakat qilamiz".
— deya xabar beradi uff.uz nashri.