“Bavariya” klubida ijara asosida to'p surayotgan, transfer huquqi “Yuventus”ga tegishli bo'lgan Kingsli Koman “Chelsi” jamoasi e'tiboriga tushib qoldi. Telefoot nashrining ma'lum qilishicha, londonliklar 20 yoshli futbolchi uchun 69 mln evro sarflashga tayyor. Biroq “Yuventus” va “Bavariya” o'zaro kelishuvga ega. Unga ko'ra, myunxenliklar 2017 yilning  30 apreliga qadar futbolchini butunlay o'z safiga qo'shib olishi mumkin. Ammo yakuniy qaror baribir futbolchida qoladi. Agar Koman “Bavariya”da qolishga rozi bo'lsa, myunxenliklar “Yuventus”ga 20,5 mln evro to'laydi. “Chelsi”dan tashqari “Manchester Siti” ham yosh iqtidorga qiziqish bildirmoqda. 
— deya xabar beradi uff.uz nashri.