Xabaringiz bor, bugun OChL-2017 guruh bosqichi 3-turidan o'rin olgan uchrashuvlar o'tkazilmoqdi. Unda Toshkentning “Bunyodkor” klubi o'z maydonida “Zob Ahan” bilan kuch sinashdi.
Mazkur bellashuvdan so'ng mehmonlar ustozi Mujtaba Husayniy jurnalistlar savollariga javob berdi.
- Bugun har ikkala jamoa uchun ham muhim o'yin bo'ldi. Biz bir necha kun oldin Erondagi qiyin uchrashuv o'tkazishimizga qaramay bugun g'alaba qozondik. Buning uchun futbolchilarimga rahmat aytaman. Eron chempionatida ko'plab ochkolarni boy berdik. Biz o'sha mag'lubiyatga uchragan o'yinlarimizda har doim ham mag'lubiyatga loyiq emasdik. Lekin endi bularni bartaraf etamiz.
Mehdi Rajabzoda: Bugungi o'yin barcha uchun yaxshi bo'ldi. Buning uchun jamoadoshlarimga ham rahmat. Meni uchrashuvning eng yaxshi o'yinchisi deb topishdi. Lekin butun jamoadoshlarim yaxshi harakat qilishdi.
"Bunyodkor" qiyin ahvolda qoldi. Endi so'nggi turda agar "qaldirg'ochlar"ga "Zob Ahan" yordam bera oladigan vaziyatga tushib qolsa, qanday yo'l tutadi?
- Biz professionalmiz. Har bir o'yinda bor kuchimiz bilan o'ynaymiz.  
"Bunyodkor"dan bunday kuchsiz o'yinni kutganmidingiz?
- To'g'risi, "qaldirg'ochlar"dan bunday o'yinni kutmagandim. Oldingi bahslarda yaxshiroq harakat qilishgandi. Bugungi bellashuvda ham ular osonlikcha taslim bo'lishmadi. Ular g'alaba qozonishlari ham mumkin edi.
Kecha "qaldirg'ochlar" safida havfli deb hisoblagan futbolchilaringizdan kutganingizdek qarshilik ko'rdingizmi?
- Bugun Eldor Shomurodov maydonga tushmadi. Shuning uchun unchalik ham qiyinchiliklarga duch kelmadik. Qolaversa, men raqib futbolchilari haqida gapirishni unchalik ham xohlamayman.
— deya xabar beradi uff.uz nashri.