Toshkentdagi "Bunyodkor" stadionida Osiyo Chempionlar ligasi musobaqasining guruh bosqich 3-turidan o'rin olgan "Bunyodkor" - "Zobahan" uchrashuvi nihoyasiga etdi. Unda 0:2 hisobi qayd etilib, eronliklarning g'alabasi bilan yakunlandi. Ikkala gol ham ikkinchi bo'limda kiritildi. Dastlab, Bengston 55-daqiqada hisobni ochgan bo'lsa, Tabriziy oxirgi daqiqalarda penaltidan ikkinchi golni urdi. Aysuski, "Bunyodkor" o'yinni bitta kam bo'lib yakunlashga majbur bo'ldi. Qo'polligi uchun Chemirtan maydondan chetlatildi. Shu tariqa "Bunyodkor" guruhda uchinchi mag'lubiyatni qabul qilib oldi. To'g'risi, Mirjalol Qosimov paytida bunaqa bo'lmasdi. Yanayam bilmadik. O'zbek futboliga ushbu shaxsni qaytarish kerakka o'xshaydi. Biz tarafkashlik qilmayapmiz, shunchaki Qosimovda g'oya va taktika bor edi... Osiyo Chempionlar ligasi, 3-tur
"Bunyodkor" - "Zobahan" — 0:2
Gollar: Bengston (55), Tabriziy (90+4 pen)
"Bunyodkor": Zuxurov, Ashurmatov, Mirabdullaev, Michich, Shukurov, Ibrohimov, Chemirtan, To'xtasinov, Hamdamov, Nurmatov, G'iyosov
"Zobahan": Mazaxeri, Najod Mehdi, Muhammad Zohid, Mahdipur, Hussayni, Pahlavon, Hamam, Ismail Ifar, Dimax Shanmehr, Bengston, Rajabzoda
— deya xabar beradi uff.uz nashri.