Eroning Tehron shahridagi "Ozodi" stadionida Osiyo Chempionlar ligasi musobaqasining guruh bosqich 3-turidan o'rin olgan "Istiqlol" - "Lokomotiv" uchrashuvi o'z nihoyasiga etdi. Unda 2:0 hisobi qayd etilib, eronliklarning g'alabasi bilan yakunlandi. Umuman olganda, "Lokomotiv" yomon o'yin o'tkazdi deya olmaymiz, ammo tan olib aytish lozim, Rahmati darvozasi oldida chindan ham golga tortadigan vaziyatlar kam bo'ldi. Mezbon jamoa safida dastlab, birinchi bo'limning 37-daqiqasida Ismoili hisobni ochgan bo'lsa, ikkinchi bo'limning 83-daqiqasiga kelib Ali Gorbani Nesterovni ikkinchi bor ranjitdi. Shu tariqa, "Lokomotiv" guruh bosqichidagi ikkinchi mag'lubiyatini tan oldi va o'z imkoniyatlarini ancha pasaytirib yubordi. Osiyo Chempionlar ligasi, 3-tur “Istiqlol” (Eron) – “Lokomotiv” (O'zbekiston) 2:0
Gollar: 1:0 - 37 Ismoili, 2:0 - 83 Ali Gorbani.
"Istiqlol": Rahmati, Xaydari, Januario, Ibrohimi, Rizoi, Gorbani, Zakipurkinji, Nur Afkan, Barzay, Ismoili, Padovani.
"Lokomotiv": Nesterov, Yo'ldoshev, Maxaradze, Qutiboev, Mirzaev, Kapadze, To'xtaxo'jaev, Muhammadiev, Zoteev, Masharipov, Bikmaev.
— deya xabar beradi uff.uz nashri.