Eroning Tehron shahridagi "Ozodi" stadionida Osiyo Chempionlar ligasi musobaqasining guruh bosqich 3-turidan o'rin olgan "Istiqlol" - "Lokomotiv" uchrashuvi boshlanish arafasida. Biz ushbu sahifa orqali o'yinning asosiy tafsilotilarini yoritib borishga harakat qilamiz. "Temiryo'lchilar"ga omad yor bo'lsin! Osiyo Chempionlar ligasi, 3-tur “Istiqlol” (Eron) – “Lokomotiv” (O'zbekiston) 2:0
Gol: 1:0 - 37 Ismoili, 2:0 - 83 Ali Gorbani.
"Istiqlol": Rahmati, Xaydari, Januario, Ibrohimi, Rizoi, Gorbani, Zakipurkinji, Nur Afkan, Barzay, Ismoili, Padovani.
"Lokomotiv": Nesterov, Yo'ldoshev, Maxaradze, Qutiboev, Mirzaev, Kapadze, To'xtaxo'jaev, Muhammadiev, Zoteev, Masharipov, Bikmaev. ***** 0'. Muxlislar stadionni asta-sekin to'ldirishmoqda. 1'. O'yin boshlandi. 3'. Mezbonlar jarima to'pi ishlab olishgandi, biroq raqib futbolchisining zarbasidan so'ng to'p darvoza tepasidan o'tib, maydonni tark etdi. 5'. "Lokomotiv"da ajoyib vaziyat yuzaga kelgandi, biroq, to'pni qiynalib, joylab qo'yishga sal qoldi. Darvozabon so'nggi pallada to'pni chiziq ustida ushlab oldi. 8'. O'yin ancha ochiq tarzda o'tmoqda, temp hozircha yuqori. 13'. "Istiqlol" tashabbusni o'z qo'liga olishga urinmoqda. 16'. Xavfli vaziyat!!!! Raqib posboni xatoga yo'l qo'yib, darvozani bo'sh qoldirgandi. biroq Sardor Mirzaevning zarbasi noaniq ketdi. Qanday qilib bo'sh darvoza ishg'ol etilmadi?!!! 27'. O'yin tempi biroz tushdi, biroq hali ham hujumlar ancha xavfli ko'rinish olmoqda. 31'. Mirzaev "Loko"ning tezkor hujumini qo'llab-quvvatab, qanotdan raqib jarima maydoniga kirib, pas berishga urindi, biroq, uning uzatmasidan so'ng to'pni darvozabon ushlab oldi. 37'. GOOL!!! Farshid Ismoili! 37'. Ismoilining o'z ijrosidagi burchak zarbasidan so'ng qaytarilgan to'pga egalik qilib, jarima maydoniga yorib kirib, jarima maydonchasidagi gavjumlikdan foydalanib, to'pni Nesterov darvozasi olib past burchagiga joylab qo'ydi - 1:0. 43'. Endi "Istiqlol" ehtiyotkorona o'ynab, "Loko" hujumga berilib ketishini kutishi va qarshi hujumlarda jazolashga urinishi turgan gap. 45'. Dastlabki bo'limga bir daqiqa qo'shildi. 45+1'. Demak, birinchi bo'lim tugadi! Umid qilishda davom ettamiz va ikkinchi bo'limni kutamiz! 46'. Ikkinchi bo'limga start berildi. 50'. "Lokomotiv" bo'limning ilk daqiqalarini ancha faol o'tkazmoqda va raqibga qiyinchiliklar tug'dirishga astoydil harakat qilmoqda. 56'. Hamyurtlarimiz, burchak zarbasi ijro etishdi, biroq Mirzaevning havodan uzatgan to'pi to'g'rigina Rahmatining qo'liga borib tushdi. 58'. Ibrohimi chamasi 30 metrlardan xavfli zarba yo'llagandi, yaxshiyamki himoyachiga tegib zarba noaniq ketdi. 61'. Marat Bikmaevga qarshi raqib jarima maydonchasida qo'pollik ishlatilgandi, biroq bosh hakam qoidani himoyachi emas, Marat buzdi deb topdi. 66'. "Loko"da o'zgarish: Timur Kapadze o'rniga Nore Krizo tushdi. 76'. "Istiqlol" ikkinchi bo'limda "Loko"ni qarshi hujumda jazolash niyatiligi ko'rinib turibdi. Maydon egalari tashabbusni ataylab hamyurtlarimizga bergandek tuyulmoqda. 77'. "Lokomotiv"da yana bir o'zgarish: Salamat Qutiboev o'rniga Quvondiq Ro'ziev tushdi. 80'. Mezbonlarda o'zgarish: Mujtaba Xaqdo'st Farshid Ismoili o'rniga tushdi. 83'. GOOL! Gorbani! 83'. Ali Gorbani Yuldoshevdan to'pni olib qo'yib, qanotdan jarima maydoniga yorib kirib, yaqin masofadan Nesterovni dog'da qoldirdi - 2:0! 87'. Bugun jamoalarimiz uchun omadsiz kun chiqmoqda. Hozircha "Loko" ham ikkita to'p farqi bilan yutqazmoqda. 89'. "Istiqlol" "Lokomotiv"ni yana qarshi hujumda jazolashiga sal qoldi. Yaxshiyamki jarima maydonchamizga kirib kelgan futbolchiga pas kuchliroq chiqdi. 90'. Yana o'zgarish:Sardor Mirzaev o'rniga Murodbek Bobojonov tushdi. 90+1'. Uch daqiqa qo'shib berildi. 90+3'. O'yinning so'nggi soniyalari vaziyatlarsiz o'tmoqda. O'yin tugadi! "Bunyodkor" ketidan, "Lokomotiv" ham mag'lubiyatga uchradi!
— deya xabar beradi uff.uz nashri.